Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ముర్గ్ మకాయ్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

4

కావాల్సిన పదార్ధాలు

చికెన్ బ్రెస్ట్స్ - అరకేజి (స్కిన్‌లెస్, బోన్‌లెస్)
మొక్కజొన్న గింజలు - రెండు కప్పులు
తాజా పెరుగు - మూడు టేబుల్ స్పూన్లు
వెల్లుల్లి రెబ్బలు - పది
అల్లం - చిన్న ముక్క (తరగాలి)
క్యాప్సికమ్ ముక్కలు - ఒక కప్పు
టొమాటోలు - నాలుగు (తరగాలి)
పచ్చిమిర్చి - రెండు (సన్నగా తరగాలి)
కారం, పసుపు - ఒక్కోటి అర టీస్పూన్ చొప్పున
ధనియాల పొడి - ఒకటిన్నర టీస్పూన్
గరం మసాలా పొడి - ఒక టీస్పూన్
నూనె లేదా నెయ్యి - రెండు టేబుల్ స్పూన్‌లు
తాజా కొత్తిమీర - కొద్దిగా (తరగాలి)
ఉప్పు - రుచికి సరిపడా.

తయారు చేయు విధానం

Step 1
చికెన్ బ్రెస్ట్‌ను శుభ్రంగా కడిగి చదరపు ముక్కలుగా కోసుకోవాలి.
Step 2
టొమాటోలు మిక్సీలో వేసి గుజ్జుగా చేసి పక్కన పెట్టుకోవాలి.
Step 3
మొక్కజొన్న గింజల్లో నాలుగు కప్పుల నీళ్లు పోసి కొద్దిగా ఉప్పు వేసి మెత్తబడే వరకు ఉడికించాలి. వాటిని వడకట్టాలి.
Step 4
నాన్‌స్టిక్ పాన్‌లో నెయ్యి వేసి అది వేడెక్కాక అల్లం, వెల్లుల్లి, పచ్చిమిర్చి ముక్కలను వేసి వేగించాలి.
Step 5
ఇందులో టొమాటో గుజ్జు వేసి సన్నటి మంట మీద కాసేపు ఉంచాలి.
Step 6
ఆ తరువాత చికెన్ ముక్కలు వేసి కలిపి ఎక్కువ తక్కువ కాకుండా ఓ మాదిరి మంట మీద ఉడికించాలి.
Step 7
కొద్ది సేపటి తరువాత ఉప్పు, మసాలా దినుసులు వేసి మధ్య మధ్యలో కలపాలి.
Step 8
ఆ తరువాత పెరుగు, ఉడికించిన మొక్కజొన్న గింజలు, క్యాప్సికమ్ ముక్కలు వేసి మసాలా దగ్గర పడి, చికెన్ ముక్కలు ఉడికే వరకు ఉంచాలి.
Step 9
చివరగా కొత్తిమీరతో అలంకరించి వేడివేడిగా రోటి లేదా నాన్‌తో తింటే వర్షపు ముసురుకు భలే రుచిగా ఉంటుంది.