Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కల్యాణ రసం ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

కందిపప్పు: టేబుల్‌స్పూను,
దనియాలు: టేబుల్‌స్పూను,
మిరియాలు: టేబుల్‌స్పూను,
జీలకర్ర: ఒకటిన్నర టీస్పూన్లు,
ఎండుమిర్చి: రెండు,
నూనె: టీస్పూను,
రసం తయారీకోసం:
కందిపప్పు: 3 టేబుల్‌స్పూన్లు,
టొమాటో: ఒకటి.
చింతపండు: నిమ్మకాయంత,
వెల్లుల్లి రెబ్బలు: 4,
మిరియాలు: టీస్పూను,
జీలకర్ర: టీస్పూను,
పసుపు: టీస్పూను,
ఉప్పు: రుచికి సరిపడా,
మంచినీళ్లు: తగినన్ని,
తాలింపుకోసం:
నూనె: ఒకటిన్నర టీస్పూన్లు,
ఆవాలు: టీస్పూను,
జీలకర్ర: అరటీస్పూను,
కరివేపాకు: 4 రెబ్బలు,
ఇంగువ: చిటికెడు,
కొత్తిమీర: కట్ట.

తయారు చేయు విధానం

Step 1
అరకప్పు గోరువెచ్చని నీళ్లలో చింతపండు వేసి నానబెట్టాలి.
Step 2
విడిగా ఓ పాన్‌లో టీస్పూను నూనె వేసి పొడి కోసం తీసుకున్నవన్నీ వేసి వేయించాలి. చల్లారాక పొడి చేయాలి.
Step 3
టొమాటోను ముక్కలుగా కోసి అరకప్పు నీళ్లు పోసి మెత్తగా పిసికి రసం పిండాలి. కుక్కర్‌లో కందిపప్పు, పసుపు వేసిఉడికించాలి. తరవాత మెత్తగా మెదిపి టొమాటో రసం, చింతపండు రసం, ఉప్పు వేసి కలపాలి.
Step 4
వెల్లుల్లి, మిరియాలు, జీలకర్ర మెత్తగా నూరాలి.
Step 5
మందపాటి గిన్నెలో టీస్పూను నూనె వేసి వెల్లుల్లి మిశ్రమం వేసి వేగాక పప్పు, టొమాటో, చింతపండు రసం వేసి సిమ్‌లో మరిగించాలి. తరవాత రసం పొడి వేసి ఉండలు కట్టకుండా కలుపుతూ మరికాసేపు మరిగించాలి.
Step 6
చిన్న బాణలిలో నూనె వేసి తాలింపుదినుసులన్నీ వేసి రసంలో కలపాలి. చివరగా కొత్తిమీర వేస్తే కళ్యాణరసం రెడీ. పెళ్లిళ్లలో ఎక్కువగా ఈ పద్ధతిలోనే చేస్తుంటారు.