Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బీరకాయ ఉల్లికారం ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

4

కావాల్సిన పదార్ధాలు

పొట్టు తీసి కోసిన ఐదు బీరకాయలు,
కొద్దిగా నూనె.
మసాలాముద్దకు:
పెద్ద ఉల్లిపాయను ముక్కలుగా తరిగిపెట్టుకోవాలి,
ఒక టేబుల్‌ స్పూను నూనె.
పొడి మసాలాకు:
శెనగపప్పు: అర టేబుల్‌స్పూను,
మినప్పప్పు: అర టేబుల్‌స్పూను,
జీలకర్ర: అర టేబుల్‌స్పూను,
ఆవాలు: అర టేబుల్‌స్పూను,
ఎండుమిర్చి: 2,
కొద్దిగా నెయ్యి, చక్కెర, ఉప్పు తగినంత.

తయారు చేయు విధానం

Step 1
పాన్‌లో కొద్దిగా నూనె వేడెక్కాక అందులో బీరకాయముక్కల్ని వేయాలి. మూతపెట్టకుండా బీరకాయ ముక్కల్ని ఉడకనిస్తే నీరు బయటకు వచ్చేస్తుంది. అలా ఐదు నిమిషాల పాటు ఉడికించాలి.
Step 2
బీరకాయ ముక్కలు మరీ మెత్తగా కాకుండా చూసుకోవాలి. వేరే పాన్‌లో కొద్దిగా నూనె వేసి అందులో ఉల్లిపాయ గుజ్జు వేసి లేత బంగారు రంగు వచ్చే వరకూ వేగించాలి. ఇందులో కొద్దిగా ఉప్పు వేయాలి.
Step 3
మరో పాన్‌లో కొద్దిగా నెయ్యి వేసి అందులో మినప్పప్పు, శెనగపప్పు, జీలకర్ర, ఆవాలు, ఎండు మిర్చి వేసి సువాసన వచ్చే వరకూ వేగించాలి. ఇది చల్లారిన తర్వాత మిక్సీలో వేసి పొడిచేయాలి.
Step 4
ఆ పొడిని ముందుగానే నూనెలో వేగించిపెట్టుకున్న ఉల్లిపాయముక్కల్లో వేసి బాగా కలపాలి. ఆ మిశ్రమాన్ని ఉడికిన బీరకాయ ముక్కల్లో వేయాలి. కూరలో నీరు ఎక్కువగా లేకుండా చూసుకోవాలి.
Step 5
ఈ కూరలో ఒక టీస్పూను చక్కెర, ఉప్పును వేసి కలిపి స్టవ్‌ మీద కొద్ది నిమిషాలు ఉంచి కాస్త డ్రై అయిన తర్వాత స్టవ్‌ మీద నుంచి దించాలి. ఆ తర్వాత వేడి వేడి అన్నంలో ఈ కూర తింటే చాలా బాగుంటుంది.