Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్యారెట్‌ బ్రెడ్‌ రోల్స్‌ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

15 Minutes
Servings

4

కావాల్సిన పదార్ధాలు

బ్రెడ్ స్లైసులు - తొమ్మిది,
క్యారెట్ తురుము - ఒక కప్పు,
పనీరు తురుము - పావు కప్పు,
ఉల్లిపాయ - మీడియం సైజు ఉల్లిపాయ,
పచ్చి మిర్చి - రెండు,
మిరియాల పొడి - పావు చెంచా,
వెన్న - ఒక టీస్పూను,
కారం - అర స్పూను,
నూనె - వేయించడానికి సరిపడా

తయారు చేయు విధానం

Step 1
ఉల్లిపాయని చిన్నముక్కలుగా కోసుకోవాలి, పచ్చిమిర్చిన నిలువుగా కోసిపెట్టుకోవాలి. ఇప్పుడు స్టవ్ మీద కళాయి పెట్టి కాస్త వెన్న వేయాలి.
Step 2
అందులో ఉల్లిపాయ ముక్కలు, పచ్చిమిర్చి ముక్కలు, క్యారెట్ తురుము వేసి వేయించాలి. అనంతరం పన్నీర్ తురుమును కూడా వేసి వేయించాలి.
Step 3
మిశ్రమం బాగా వేగాక అందులో ఉప్పు, మిరియాల పొడి, కారం వేసి బాగా కలపాలి. ఒక నిమిషం పాటూ వేయించి స్టవ్ కట్టేయాలి. బ్రెడ్ స్లైసుల అంచులు కత్తిరించాలి.
Step 4
వాటిలో మధ్యలో వేయించిన మిశ్రమాన్ని ఓ రెండు స్పూనులు వేసి రోల్ లా చుట్టేయాలి. రోల్ విడిపోకుండా ఉండేందుకు బ్రెడ్ అంచుల్ని కాస్త తడిచేసి లోపలికి నొక్కేయాలి.
Step 5
అన్ని బ్రెడ్ ముక్కల్ని ఇలాగే చేసి పెట్టుకోవాలి. స్టవ్ మీద కళాయి పెట్టి డీప్ ఫ్రై చేయడానికి సరిపడా నూనె వేయాలి.
Step 6
నూనె వేడెక్కాక బ్రెడ్ రోల్స్ ని నూనెలో వేసి ఎర్రగా వేయించి తీయాలి. టమాటా సాస్ తో తింటే ఈ క్యారెట్ బ్రెడ్ రోల్స్ భలే టేస్టీగా ఉంటాయి.