Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చేప కుర్మా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

2

కావాల్సిన పదార్ధాలు

బొచ్చె చేప ముక్కలు - అయిదు,
ఉల్లిపాయ ముక్కలు - పావు కప్పు,
టమాటా ముక్కలు - పావు కప్పు,
అల్లం వెల్లుల్లి పేస్టు - రెండు టీ స్పూనులు,
పచ్చి మిర్చి - అయిదు,
కరివేపాకులు - గుప్పెడు,
ధనియాల పొడి, మెంతి పొడి, జీలకర్ర పొడి - చెరో పొడి అర చెంచా చొప్పున,
గరం మసాలా పొడి - ఒక టీస్పూను,
చింత పండు రసం - పావు కప్పు,
కొత్తి మీర - ఒక కట్ట,
ఉప్పు - తగినంత,
నూనె - సరిపడినంత.

తయారు చేయు విధానం

Step 1
చేపముక్కలు కడిగి పసుపు, కారం,అరచెంచా అల్లం వెల్లుల్లి పేస్టు, ఉప్పు వేసి కలిపి అరగంట పాటూ పక్కన పెట్టాలి. * ఇప్పుడు కళాయిలో కాస్త నూనె వేసి చేప ముక్కల్ని బాగా వేయించాలి. వాటిని తీసి పక్కన పెట్టాలి.
Step 2
బాణలిలో మరికొంచెం నూనె వేసి ఉల్లిపాయ ముక్కలు, అల్లం వెల్లుల్లి పేస్టు, ధనియాల పొడి, జీలకర్ర, కారం, టమాటా ముక్కలు వేసి బాగా ఉడకబెట్టాలి.
Step 3
అందులో రెండు కప్పుల నీళ్లు వేసి పచ్చిమిర్చి, కరివేపాకు వేసి ఉడికించాలి. ఆ సమయంలో చింతపండు రసం కూడా వేసేయాలి.
Step 4
నీళ్లు తగ్గి ఇగురులా అవుతున్నప్పుడు ముందుగా వేయించిన చేపల్ని అందులో వేయాలి.
Step 5
చేపముక్కలకి ఇగురు అంటేలా ఒక్కో ముక్కని కలపాలి. పైన కాస్త మెంతి పొడి, మసాలా చల్లి మళ్లీ కలపాలి. దించేముందు కొత్తి మీర చల్లాలి. వేడివేడి చేపల కుర్మా తినడానికి రెడీ అయినట్టే.