Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే అరిటాకు ఫిష్ మసాలా ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

1

కావాల్సిన పదార్ధాలు

చేపలు - రెండు ముక్కలు,
అరిటాకు - ఒకటి,
కొబ్బరి తురుము - రెండు టీస్పూనులు,
తరిగిన పచ్చిమిర్చి - రెండు టీస్పూనులు,
కొత్తిమీర తరుగు - రెండు టీస్పూనులు,
జీలకర్ర - టీస్పూను, వెల్లుల్లి - నాలుగు రెబ్బలు

తయారు చేయు విధానం

Step 1
చేపలను వేపుడుకు పనికొచ్చేలా రెండు పెద్ద ముక్క్లు తీసుకోవాలి. వాటిని బాగా కడిగి నిమ్మరసం రాసి, ఉప్పు చల్లి 20 నిమిషాలు పక్కన పెట్టాలి.
Step 2
ఈలోపు పచ్చిమిర్చి, కొత్తిమీర, వెల్లుల్లి రెబ్బలు, కొబ్బరి తురుము కలిపి మెత్తని పేస్టులా చేసుకోవాలి.
Step 3
ఇప్పుడు చేపముక్కల్ని తీసుకుని ఈ పేస్టును రెండు వైపులా దట్టంగా పూయాలి. అరిటాకు రెండు భాగాలుగా చేసుకోవాలి.
Step 4
ఒక్కో అరిటాకులో చేపముక్కని పెట్టి చక్కగా మడతబెట్టి దారంతో కట్టాలి. అరిటాకు ఒకు పొరలా కాకుండా, రెండు మూడు పొరలతో చుట్టాలి.
Step 5
ఆ అరిటాకులను ఓవెన్ లో పెట్టుకోవాలి. ఓవెన్ లేని వాళ్లు స్టవ్ మీద కళాయిపెట్టి కాస్త నూనె వేసి ఈ అరిటాకులను అందులో పెట్టుకుని మూత పెట్టేయాలి.
Step 6
మంట తక్కువగా పెట్టి ఉడకనివ్వాలి. మధ్యమధ్యలో అరిటాకులను తిరగేస్తూ ఉండాలి. ఇలా చేయడంతో రెండు వైపులా చేప ఉడుకుతుంది.
Step 7
అరిటాకులు పైన మాడిపోయిన భయపడకండి. చేప మాడకుండా చూసుకుంటే చాలు.
Step 8
ఇలా 20 నిమిషాల పాటూ చిన్న మంట మీద ఉడికస్తే అరిటకులో చేప సిద్ధమైపోతుంది. తరువాత అరిటాకును విప్పితే ఘుమఘుమలాడే అరిటాకు ఫిష్ మసాలా రెడీ.