Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్రిస్పీ రొయ్యల వేపుడు ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

15 Minutes
Servings

1

కావాల్సిన పదార్ధాలు

రొయ్యలు - 200 గ్రాములు,
కారం - రెండు టీ స్పూనులు,
జీలకర్ర పొడి - అర టీస్పూను,
కార్న్ ఫ్లోర్ - మూడు టీ స్పూనులు,
నిమ్మరసం - ఒక టీ స్పూను,
పసుపు - అర టీస్పూను,
బ్లాక్ పెప్పర్ - పావు టీస్పూను,
ఉప్పు - తగినంత,
ఆయిల్ - సరిపడినంత

తయారు చేయు విధానం

Step 1
రొయ్యల్ని శుభ్రంగా కడిగి తడి లేకుండా చూడాలి. ఒక బౌల్ లో రొయ్యలు, పసుపు, ఉప్పు వేసి బాగా కలిపి పక్కన పెట్టుకోవాలి. ఓ పావుగంటసేపు అలా వదిలేయాలి.
Step 2
ఇప్పుడు ఓ గిన్నెని స్టవ్ మీద పెట్టి గ్లాసుడు నీళ్లు పోయాలి. అవి మరిగాక అందులో రొయ్యల మిశ్రమాన్ని వేసేయాలి. రెండు నిమిషాలు ఉడకనివ్వాలి.
Step 3
తరువాత ఒక టీస్పూను కారం, జీలకర్ర పొడి, బ్లాక్ పెప్పర్ పొడి వేసి కలపాలి. మూత పెట్టేసి రెండు నిమిషాల పాటూ ఉడకనివ్వాలి.
Step 4
తరువాత మూత తీసేసి మళ్లీ కలపాలి. మరో మూడు నిమిషాల పాటూ ఉడకనివ్వాలి. నీరు బాగా ఇంకిన తరువాత స్టవ్ కట్టేయాలి. సగం ఉడికిన రొయ్యల్ని తీసి పక్కన పెట్టుకోవాలి.
Step 5
ఇప్పుడు రొయ్యల్లో కారం, కార్న్ ఫ్లోర్, నిమ్మరసం, ఉప్పు వేసి బాగా కలపాలి. స్టవ్ మీద కళాయి పెట్టి నూనె వేయాలి.
Step 6
నూనె వేడెక్కాక రొయ్యల్ని అందులో వేసి డీప్ ఫ్రై చేయాలి. రొయ్యలు రెండు వైపులా వేయించాక వాటిని బయటికి తీసేయాలి. ఉల్లిపాయ ముక్కలతో గార్నిష్ చేసి సర్వ చేస్తే సరి.