Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఓట్స్ తో ఊతప్పం ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

15 Minutes
Servings

2

కావాల్సిన పదార్ధాలు

ఓట్స్ - రెండు కప్పులు,
ఉప్మా రవ్వ - పావు కప్పు,
పెరుగు - ఒక కప్పు,
అల్లం తరుగు - ఒక టేబుల్ స్పూను,
పచ్చిమిర్చి తరుగు - రెండు టేబుల్ స్పూనులు,
కరివేపాకులు - గుప్పెడులో సగం, బేకింగ్ సోడా - ఒక టీస్పూను,
క్యారెట్ తరుగు - పావు కప్పు,
ఉల్లిపాయ తరుగు - పావు కప్పు,
టమాటా తరుగు - పావు కప్పు,
ఉప్పు - తగినంత,
నూనె - సరిపడినంత.

తయారు చేయు విధానం

Step 1
ఒక గిన్నెలో టమాట తరుగు, ఉల్లిపాయ, క్యారెట్, పచ్చిమిర్చిలను వేసి కలిపి ఒక పక్కన పెట్టాలి. ఇప్పుడు ఓట్స్ ని మిక్సీలో వేసి కాస్త పొడిలా చేసుకోవాలి.
Step 2
ఆ పొడిలో పెరుగు వేసి మళ్లీ మిక్సీ చేయాలి. ఇప్పుడు మెత్తటి రుబ్బులా తయారవుతుంది. దానిని తీసి ఒక బౌల్ లో వేయాలి. ఆ రుబ్బులో కాస్త నీళ్లు కలిపాలి.
Step 3
ఇప్పుడు అందులో అల్లం తరుగు, కరివేపాకులు, ఉప్పు వేసి బాగా కలపాలి. అవసరమైతే నీరు వేసుకోవచ్చు.
Step 4
బేకింగ్ సోడాను కూడా వేసి బాగా కలపాలి. ఇప్పుడు పెనం స్టవ్ మీద పెట్టి కాస్త నూనె రాసి వేడి చేయాలి.
Step 5
ఓట్స్ రుబ్బుని ఊతప్పంలా పోసుకుని పైనా ముందుగా కలిపి పెట్టుకున్న టమాటా తరుగు మిశ్రమాన్ని చల్లాలి.
Step 6
తరువాత కొన్ని చుక్కల నూనె చల్లి మూత పెట్టేయాలి. మీడియం మంట మీద రెండు నిమిషాల పాటూ ఉడకనివ్వాలి.
Step 7
అనంతరం ఊతప్పాన్ని తిరగేసి రెండో వైపు కూడా ఉడకనివ్వాలి. తరువాత తీసి వేడివేడిగా కొబ్బరి చట్నీతో తింటే భలే రుచిగా ఉంటుంది.