Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే అరటికాయతో మంచూరియా ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

15 Minutes
Servings

1

కావాల్సిన పదార్ధాలు

అరటికాయలు - నాలుగు,
క్యాబేజీ తరుగు - కప్పు,
మొక్కజొన్న పిండి - పది టేబుల్ స్పూన్లు,
మైదా - అయిదు టేబుల్ స్పూన్లు,
సోయా సాస్ - అరచెంచా,
టమాటా సాస్ - నాలుగు చెంచాలు,
చిల్లీసాస్ - రెండు చెంచాలు,
కొత్తిమీర తరుగు - అరకప్పు,
అజినోమోటో - అర చెంచా,
నూనె - సరిపడినంత,
ఉప్పు - సరిపడా.

తయారు చేయు విధానం

Step 1
అరటికాయల్ని ముక్కలు కోసుకోవాలి. మీర పెద్ద ముక్కలు కాకుండా మీడియం సైజులో కట్ చేయాలి.
Step 2
ఇప్పుడు ఓ బౌల్ లో నీళ్లు, మైదా, మొక్కజొన్న పిండి, ఉప్పు వేసి బజ్జీల పిండికి ఎలా కలుపుతారో అలా కలపాలి.
Step 3
ఇప్పుడు స్టవ్ మీద కళాయి పెట్టి నూనె వేయాలి.
Step 4
నూనె వేడెక్కాక కలిపిన బజ్జీల పిండిలో అరటికాయ ముక్కల్ని ముంచి తీసి నూనెలో వేయించాలి. అవి గోల్డ్ బ్రౌన్ రంగులోకి మారాక తీసేయాలి.
Step 5
ఇప్పుడు కళాయిలో కొద్దిగా నూనె ఉంచి మిగతా నూనె అంతా తీసేయాలి.
Step 6
ఆ నూనెలో పొడుగ్గా తరిగిని పచ్చి మిర్చి, క్యాబెజీ తరుగు వేయించాలి.
Step 7
అనంతరం వేయించిన అరటి ముక్కల్ని వేసి కలపాలి.
Step 8
అందులో అజినోమోటో, టమాటా సాస్, సోయా సాస్, చిల్లీ సాస్ వేసి కలపాలి. చివర్లో కొత్తి మీర చల్లి స్టవ్ కట్టేయాలి. అంతే అరటికాయ మంచూరియా రెడీ.