Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కోవా కజ్జికాయలు ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

35 Minutes
Servings

5

కావాల్సిన పదార్ధాలు

మైదాపిండి: 4 కప్పులు,
నెయ్యి: 4 టేబుల్‌స్పూన్లు,
నూనె లేదా నెయ్యి: వేయించడానికి సరిపడా,
లోపల నింపేందుకు:
కోవా: రెండున్నరకప్పులు,
కొబ్బరితురుము: కప్పు,
యాలకులపొడి: టీస్పూను,
బాదంముక్కలు: 4 టేబుల్‌స్పూన్లు,
జీడిపప్పుముక్కలు: 4 టేబుల్‌స్పూన్లు,
ఎండుద్రాక్ష: 4 టేబుల్‌స్పూన్లు,
పంచదార: ఒకటింపావు కప్పు.

తయారు చేయు విధానం

Step 1
మైదాలో నెయ్యి వేసి కలపాలి. తరవాత అవసరమైతే మరికాస్త నెయ్యి లేదా నూనె వేసి కలపాలి.
Step 2
తరవాత కొంచెంకొంచెంగా నీళ్లు పోస్తూ పిండిని మృదువుగా కలిపి తడిబట్ట వేసి కప్పి ఉంచాలి.
Step 3
గిన్నెలో కోవా వేసి మెత్తగా చిదమాలి. చిన్న పాన్‌లో కొద్దిగా నెయ్యి వేసి కోవా వేసి అది గోధుమరంగులోకి మారేవరకూ వేయించాలి.
Step 4
పంచదార పొడి, యాలకుల పొడి వేసి కలపాలి. బాదం, జీడిపప్పు ముక్కలు, కొబ్బరితురుము, ఎండుద్రాక్ష వేసి రెండు నిమిషాలు వేయించి దించి చల్లారనివ్వాలి.
Step 5
పిండిని చిన్న ముద్దలుగా చేసుకుని చిన్న పూరీల్లా వత్తాలి.
Step 6
ఒక్కోదాంట్లో కాస్త కోవా మిశ్రమాన్నివేసి కజ్జికాయల మాదిరిగానే వేళ్లతో కాస్త మెలిపెట్టినట్లుగా అంచుల్ని నొక్కాలి.
Step 7
ఇలాగే అన్నీ చేసుకుని నెయ్యి లేదా నూనెలో వేయించి తీసి బ్లాటింగ్‌ పేపర్‌తో అద్దేస్తే నోరూరించే గుజియా(కోవా కజ్జికాయ)లు రెడీ.