Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గోంగూర రొయ్యల కర్రీ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

2

కావాల్సిన పదార్ధాలు

గోంగూర : రెండు కప్పులు,
రొయ్యలు - ఒక కప్పు,
నెయ్యి - ఆరు టేబుల్ స్పూనులు,
టమోటో ముక్కలు - ఒక కప్పు,
అల్లం వెల్లుల్లి పేస్టు - ఒక టేబుల్ స్పూను,
ఉల్లిపాయ ముక్కలు - ఒక కప్పు,
పచ్చిమిర్చి - నాలుగు,
ఎండుమిర్చి - 4,
ధనియాల పొడి - అరటీస్పూను,
పసుపు - చిటికెడు,
కారం - ఒక టేబుల్ స్పూను,
ఉప్పు - సరిపడా,
కరివేపాకు - రెండు రెమ్మలు,
కొత్తిమీర తరుగు - పావుకప్పు

తయారు చేయు విధానం

Step 1
గోంగూర ఆకులను శుభ్రంగా కడిగి, కాస్త నీళ్లు పోసి స్టవ్ మీద ఉడికించాలి. రొయ్యల్ని బాగా కడిగి పక్కన పెట్టుకోవాలి.
Step 2
స్టవ్ మీద కళాయి పెట్టి నెయ్యి వేయాలి. ఆ నేతిలో రొయ్యల్ని ఓ నిముషం పాటూ వేయించాలి. వాటిని ఓ బౌల్‌లోకి తీసుకుని పక్కన పెట్టుకోవాలి.
Step 3
ఆ కళాయిలోనే ధనియాల పొడి, ఎండుమిర్చి, ఉల్లిపాయముక్కలు, కరివేపాకు, పచ్చిమిర్చి వేసి వేయించాలి.
Step 4
అవి వేగాక ముందుగా ఉడికించి ఉంచుకున్న గోంగూర వేసి బాగా కలపాలి. పసుపు, ఉప్పు, కారం వేసి బాగా కలిపి మూత పెట్టేయాలి.
Step 5
కాసేపయ్యాక వేయించిన రొయ్యల్ని వేసి కలపాలి. బాగా ఉడికేవరకు కళాయిని స్టవ్ మీదే ఉంచాలి.
Step 6
చివరలో కొత్తి మీర తరుగు చల్లి స్టవ్ కట్టేయాలి. యమ్మీ యమ్మీ గోంగూర రొయ్యల కర్రీ రెడీ.