Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే తవా ప్రాన్స్‌ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

పెద్ద రొయ్యలు – ఎనిమిది వందల గ్రా,
అల్లంవెల్లుల్లి ముద్ద – టేబుల్‌స్పూను,
క్యాప్సికం, ఉల్లిపాయ, టొమాటో – ఒక్కోటి చొప్పున,
నూనె – పావుకప్పు,
జీలకర్ర – ఒకటిన్నర చెంచా,
కారం – చెంచా,
జీలకర్ర పొడి – చెంచా,
ధనియాలపొడి – అరచెంచా,
నిమ్మకాయ – సగం చెక్క,
కొత్తిమీర – కట్ట,
ఉప్పు – తగినంత,
పుదీనా – కట్ట,
పసుపు – అరచెంచా,
వెల్లుల్లి తరుగు – కొద్దిగా
మెంతికూర – పావుకప్పు.

తయారు చేయు విధానం

Step 1
రొయ్యల్ని శుభ్రంగా కడిగి ఓ గిన్నెలోకి తీసుకోవాలి.
Step 2
వాటిపై నిమ్మరసం, సగం అల్లంవెల్లుల్లి ముద్ద, తగినంత ఉప్పూ, సగం కారం, జీలకర్రపొడి, పసుపూ వేసి అన్నింటినీ కలిపి పెట్టుకోవాలి.
Step 3
పదిహేను నిమిషాలయ్యాక బాణలిలో కొద్దిగా నూనె వేడిచేసి రొయ్యల్ని వేయించి తీసుకోవాలి.
Step 4
అదే బాణలిలో మిగిలిన నూనె వేసి జీలకర్ర, వెల్లుల్లి తరుగూ, ఉల్లిపాయముక్కలు వేయించాలి.
Step 5
తరవాత మిగిలిన అల్లంవెల్లుల్లి ముద్దా, కారం, ధనియాలపొడి, టొమాటో ముక్కలు వేయాలి.
Step 6
టొమాటోలు మెత్తగా అయ్యాక వేయించి పెట్టుకున్న రొయ్యల్ని వేసి మంట తగ్గించాలి.
Step 7
ఐదు నిమిషాలయ్యాక క్యాప్సికం తరుగు, కొత్తిమీర తరుగూ, పుదీనా, మెంతిఆకులు వేయాలి. అన్నీ వేగాక.. దింపేముందు కొద్దిగా ఉప్పు చల్లితే సరిపోతుంది.