Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పులిహోర ఆవకాయ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

6

కావాల్సిన పదార్ధాలు

మామిడికాయలు-4,
చింతపండు రసం- 1 కప్పు,
నూనె (సన్‌ఫ్లవర్‌ లేదా నువ్వుల నూనె)- 150 గ్రాములు,
ఉప్పు- తగినంత,
కారం- నిండుగా రెండు టేబుల్‌స్పూన్లు,
ఇంగువ- 1 టేబుల్‌స్పూను,
పల్లీలు- 2 టేబుల్‌స్పూన్లు,
శెనగపప్పు- అర టేబుల్‌స్పూను,
మినప్పప్పు- అర టేబుల్‌స్పూను,
ఆవాలు- పావు టేబుల్‌స్పూను,
జీలకర్ర- పావు టేబుల్‌స్పూను,
పచ్చిమిర్చి – 3,
అల్లం- కొద్దిగా (చిన్నగా, సన్నగా తరగాలి),
కరివేపాకు- తగినన్ని.

తయారు చేయు విధానం

Step 1
పచ్చిమిర్చి, అల్లం సన్నగా తరగాలి. తర్వాత నానబెట్టిన చింతపండు రసాన్ని ఒక గిన్నెలోకి పిండాలి.
Step 2
మామిడికాయల మీద ఉండే తొక్క తీయకుండా చిన్న ముక్కలు తరగాలి.
Step 3
కడాయిలో నూనె వేడిచేశాక పల్లీలు, శెనగపప్పు, మినప్పప్పు, ఆవాలు, జీలకర్ర వేసి లేత ఎరుపురంగుకి వచ్చేవరకూ వేగించాలి.
Step 4
ఈ తాలింపులో సన్నగా తరిగిన అల్లం, పచ్చిమిర్చి తరుగు వే సి బాగా వేగించాలి.
Step 5
ఆ తర్వాత చింతపండు రసం పోసి ఇంగువ, ఉప్పు, కరివేపాకులు జోడించాలి.
Step 6
ఈ మిశ్రమంలో కారం వేసి గరిటెతో బాగా కలిపి అందులోని నూనె మోతాదు తగ్గేవరకు ఉడికించాలి.
Step 7
ఆ తర్వాత మామిడికాయ ముక్కలను తాలింపులో వేసి స్టవ్‌ మీద నుంచి దించి గరిటెతో బాగా కలపాలి.
Step 8
ఇలా కలపడం వల్ల మామిడికాయ ముక్కలకు ఉప్పు, కారాలు బాగా పడతాయి.
Step 9
వేడిగా ఉన్న పులిహోర ఆవకాయను పెద్దపళ్లెంలో పోసి ఆరబెట్టాలి. అది చల్లారిన తర్వాత గాలి చొరబడని సీసాలో పెట్టాలి. ఈ పులిహోర ఆవకాయ నెలరోజులు నిల్వ ఉంటుంది.