Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బ్రెడ్ వడ ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

30 Minutes
Servings

3

కావాల్సిన పదార్ధాలు

బ్రెడ్‌స్లైసులు – 8,
నూనె – వేయించేందుకు సరిపడా,
కొబ్బరితురుము – 3 టేబుల్‌స్పూన్లు,
ఉప్పు – తగినంత,
అల్లం, పచ్చిమిర్చి తరుగు – 2 చెంచాలు,
బాదం పలుకులు – 2 చెంచాలు,
పెరుగు – 1 ½ కప్పు,
తీపి చట్నీ – పావుకప్పు,
కారం – అరచెంచా,
కొత్తిమీర తరుగు – పావుకప్పు.
తీపి చట్నీ:
ఖర్జూరాలు – 12,
చింతపండు గుజ్జు – పెద్ద చెంచా,
బెల్లం – చిన్న ముక్క,
కారం – ముప్పావుచెంచా,
చాట్‌మసాలా – ½ చెంచా,
జీలకర్రపొడి – చెంచా,
ఉప్పు – తగినంత.

తయారు చేయు విధానం

Step 1
ముందుగా తీపి చట్నీ చేసుకుందాం. ముందుగా గిన్నె తీసుకోని అందులో ఖర్జూరాల్లో గింజలు తీసేసి కత్తితో చిన్న చిన్న ముక్కల్లా కోసుకోవాలి.
Step 2
ఖర్జూరా ముక్కలకు చింతపండు గుజ్జు పట్టిచి మెత్తగా ఉడికించుకోవాలి. ఈ గుజ్జులో మిగిలిన పదార్థాలన్నీ వేసి మిక్సీలో బాగా మెత్తగా రుబ్బుకోవాలి.
Step 3
మెత్తగా చేసుకున్న మిశ్రమాని స్టవ్ పెట్టి.. దగ్గరకు అయ్యాక దింపేయాలి.
Step 4
తరువాత ఓ గిన్నెతీసుకోని అందులో కొబ్బరి తురుము, కొద్దిగా ఉప్పు, పచ్చిమిర్చి, అల్లం తరుగు, బాదం పలుకులు తీసుకుని అన్నింటినీ బాగా కలిపి పక్కకి పెట్టుకోవాలి.
Step 5
బ్రెడ్‌ స్లైసుల్ని గుండ్రంగా కత్తిరించుకోవాలి. ఒక్కోదానిలో 1 1/2 చెంచా కొబ్బరి మిశ్రమాన్ని ఉంచి.. అర్థచంద్రాకారంలో వచ్చేలా తడి చేత్తో అంచుల్ని మూసేయాలి.
Step 6
ఇలానే మిగిలినవీ అన్ని చేసుకోవాలి. ఇలా చేసుకున్న వాటిని కాగుతోన్న నూనెలో వేసి వేయించి బంగారం రంగు లోకి వచ్చాక తీసుకోవాలి.
Step 7
వీటిని ఓ వెడల్పాటి పళ్లెంలో సర్దుకోవాలి. ఓ గిన్నెలో పెరుగు, కారం, కొద్దిగా ఉప్పు కలిపి బాగా గిలకొట్టాలి.
Step 8
దీన్ని బ్రెడ్‌స్లైసులపై వేసి.. పైన తీపి చట్నీ కొద్దికొద్దిగా వేయాలి. చివరగా కొత్తిమీర అలంకరిస్తే సరిపోతుంది. అప్పుడు బ్రెడ్ వడ తినడానికి రెడీ.