Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కీమా పిజ్జా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

2

కావాల్సిన పదార్ధాలు

కీమా - ఒక కప్పు
పిజ్జా బేస్ - రెండు
ఛీజ్ - 100 grms
నూనె - 1 టేబుల్ స్పూన్
షాజీరా - ½ టీ స్పూన్
ఉప్పు - ½ టేబుల్ స్పూన్
కారం - ½ టేబుల్ స్పూన్
ధనియాలపొడి - ½ టేబుల్ స్పూన్
అల్లం వెల్లుల్లి ముద్ద - 1 టేబుల్ స్పూన్
టమాటో కెచప్ - 2 టేబుల్ స్పూన్లు

తయారు చేయు విధానం

Step 1
ముందుగా కీమాలో కొద్దిగా ఉప్పు, కొద్దిగా కారం, కొంచెం అల్లం వెల్లులి ముద్ద వేసి, నీళ్ళు పోయకుండా ఉడికించి పక్కన పెట్టుకోవాలి.
Step 2
తరువాత ఒక బాణలిలో నూనె వేసి, షాజీర, అల్లం వెల్లులి ముద్ద వేసి వేపాలి.అల్లం వెల్లులి ముద్ద కొద్దిగా వేగిన తరువాత ముందుగా ఉడకబెట్టిన కీమా వేసి మూత పెట్టి, కీమాలో నీళ్ళు ఇగిరిపోయేదాకా ఉడకపెట్టాలి.
Step 3
కీమాలో నీళ్ళు మొత్తం ఇగిరిపోయాక మిగిలిన ఉప్పు, కారం, ధనియాలపొడి వేసి కలపాలి.కీమా బాగా వేగిన తరువాత తీసి పక్కన పెట్టాలి.
Step 4
తరువాత పిజ్జా బేస్ తీసుకుని కత్తితో నాలుగు భాగాలుగా గాటు పెట్టుకోవాలి. దానిపైన టమాటో కెచప్ వేసి సమంగా పూయాలి. దీనిపైన కీమా వేసి సమంగా పరవాలి. దానిపైన ఛీజ్ తురుము వేయాలి.
Step 5
ఇలా తయారు చేసిన పిజ్జాని ముందుగా వేడిచేసి పెట్టుకున్న ఓవెన్లో బేక్ చేసుకోవాలి. లేదా ఒక నాన్ స్టిక్ పాన్ లో పిజ్జాని పెట్టి దానిపై మూత పెట్టి స్టవ్ మీద సన్నని సెగతో పాన్ పిజ్జా చేసుకోవచ్చు.
Step 6
ఛీజ్ కరిగి పిజ్జా లేత గోధుమ రంగులోకి వచ్చినప్పుడు బయటకు తీసి, దానిమీద చిల్లి ఫ్లేక్స్ గాని ఒరిగానో గాని చల్లి వేడివేడిగా వడ్డించాలి.