Telugu Food Recipes | Delicious Food Recipes

సాధారణంగానే బెండకాయలతో రకరకాల వంటకాలు చేస్తుంటారు. అందులో ఇదొకటి! బెండకాయలతో చేసే ఇతర వంటకాలతో పోల్చుకుంటే ఈ కూర ఎంతో స్పెషల్’గా అనిపిస్తుంది. రుచిగా, స్పైసీగా, నోరూచించే ఈ వంటకంలో మసాలా దినుసులు కలపడం వల్ల ఇంకా రుచిగా అనిపిస్తుంది. ఈ వంటకం చాలావరకు సౌతిండియాలో దర్శనం ఇస్తుంది. బియ్యానికి, చపాతీలకు ఈ కూర బెస్ట్ కాంబినేషన్! ముఖ్యంగా చపాతీలతో కలిపి ఈ బెండకాయ కూరను తీసుకుంటే.. మహా మజాగా అనిపిస్తుంది. దీనిని తయారుచేయడం చాలా సులభం కూడా!

Prep Time

30 Minutes
Cooking Time

25 Minutes
Servings

2-6

కావాల్సిన పదార్ధాలు

1/2 కేజీ బెండకాయలు
1 కప్ శెనగలు
1 టేబుల్ స్పూన్ నువ్వులు (వేయించాలి)
2 టేబుల్ స్పూన్స్ పల్లీలు (వేయించాలి)
1 కప్ సెనగలు (వీటికి బాగా ఉడికించిన తర్వాత మిక్సీలో వేసి మెత్తగా పేస్ట్’లా చేయాలి)
1 టేబుల్ స్పూన్ అవిసె గింజలు (వేయించాలి)
2 టేబుల్ స్పూన్స్ పచ్చిమిర్చి ముద్ద
2 టేబుల్ స్పూన్స్ అల్లంవెల్లుల్లి ముద్ద
1/4 టేబుల్ స్పూన్ పసుపు
2 టేబుల్ స్పూన్స్ నిమ్మరసం
గుప్పెడు కొత్తిమీర
సరిపడా ఉప్పు
తగినంత నూనె

తయారు చేయు విధానం

Step 1
ముందుగానే వేయించుకున్న అవిసె గింజలు, నువ్వులు, పల్లీలను విడివిడిగా మిక్సీలో వేసి పొడి చేసుకోవాలి. వీటిని కొద్దిసేపటి వరకు పక్కన పెట్టుకోవాలి.
Step 2
మరొక మిక్సింగ్ బౌల్ తీసుకుని అందులో ముందుగానే సిద్ధంచేసుకున్న సెనగల ముద్ద, అల్లంవెల్లుల్లి ముద్ద, పచ్చిమిర్చి ముద్దం, పసుపు, నిమ్మరసం, కొత్తిమీర, ఉప్పు తదితర పదార్థాలు వేసి.. అన్ని బాగా కలిసేలా కలియబెట్టాలి.
Step 3
ఇక బెండకాయలను నీటిలో వేసి శుభ్రంగా కడుక్కోవాలి. తడి ఆరిపోయిన అనంతరం రెండువైపులా నుంచి తొడిమలు తీసేసి, మధ్యకు గాడి పెట్టాలి. (బెండకాయలు ముక్కలు కాకుండా జాగ్రత్తగా చూసుకోవాలి.)
Step 4
ముందుగానే మిక్సింగ్ బౌల్’లో తయారుచేసుకున్న స్టఫింగ్ మిశ్రమాన్ని బెండకాయల్లో జాగ్రత్తగా కూరుకోని పక్కన పెట్టుకోవాలి.
Step 5
మరోవైపు ఒక ఫ్రైయింగ్ పాన్’ను తీసుకుని అందులో నూనె వేసి బాగా కాగాలి. బాగా వేడెక్కిన అనంతరం అందులో ఒక్కొక్కటిగా తీసిపెట్టుకున్న బెండకాయలను వేసి.. బాగా కలిపి ఒక మూత పెట్టి పదినిముషాల వరకు వుంచాలి.
Step 6
బాగా ఉడికిన అనంతరం అందులో పల్లీలు, నువ్వులు, అవిసె గింజల పొడుల మిశ్రమాన్ని వేసి బాగా కలుపుకోవాలి. కొద్దిసేపటి తర్వాత దించేయాలి.
Step 7
అంతే.. ఈ విధంగా బెండకాయ గుత్తికూరను తయారుచేసుకొని సర్వ్ చేసుకోవచ్చు. తయారుచేసేటప్పుడు కాస్త జాగ్రత్తగా వ్యవహరిస్తే మంచిది.