Telugu Food Recipes | Delicious Food Recipes

అరటిపండు గురించి ఇదివరకే వినివుంటారు. మానవ శరీరానికి కావలసిన పోషకవిలువలు, ఔషధగుణాలు అందులో పుష్కలంగా వుంటాయి. అటువంటి పండుతో కొన్నిరకాల జ్యూస్, పానీయాలను తయారుచేసుకుని తీసుకుంటే ఎంతో మంచిది. ముఖ్యంగా బనానబటర్ మిల్క్ షేక్ ఎంతో ఆరోగ్యకరమైంది. దీనిని ప్రతిరోజూ తీసుకుంటే.. రానురాను కాలక్రమంలో శరీర బరువు తగ్గుతూ వస్తుంది.

ఫలితంగా గుండెసంబంధిత వ్యాధులు కూడా దూరమవుతాయి. కొలెస్టిరాల్ శాతం కూడా ఓ మోస్తరు తగ్గి, కాస్త ఉపశమనాన్ని పొందవచ్చు. పైగా ఈ రిసిపీని తాగితే.. ఎక్కువ ఆకలిగా వుండదు. కొద్దిగా తాగితే చాలు.. పొట్ట నిండినట్లుగా అనిపిస్తుంది. దీంతో ఇతర ఆహార పదార్థాలు తీసుకోవాలనే ఆలోచన కలగదు. అరిటిలో అధిక ప్రోటీనుల్లు, పొటాషియం, మంచి కార్బోహైడ్రేట్స్ వుండటం వల్లే ఆకలిగా వుండదు.

Prep Time

15 Minutes
Cooking Time

10 Minutes
Servings

2

కావాల్సిన పదార్ధాలు

2 అరటిపండ్లు (చిన్న ముక్కలుగా కట్ చేసుకోవాలి)
2 లేదా 3 టేబుల్ స్పూన్స్ పీనట్ బటర్
1 లేదా 2 కప్పులు పాలు (బాగా మరిగించి వెన్నతీసిన పాలు)
4-6 ఐస్ క్యూబ్స్
1 లేదా 2 టేబుల్ స్పూన్స్ ప్రోటీన్ పౌడర్

తయారు చేయు విధానం

Step 1
ఒక మిక్సీ జార్’లో కొద్దిగా పాలు పోసి, అందులో కట్ చేసుకున్న అరటిపండు ముక్కలను వేయాలి. ఈ మిశ్రమాన్ని రెండు సెకనులపాటు గ్రైండ్ చేసుకోవాలి. అరటిపండు బాగా మెత్తబడేవరకు ఇలా చేయాలి.
Step 2
ఆ మిశ్రమం బాగా మెత్తబడిన తర్వాత అందులోనే పీనట్ బటర్, కొద్దిగా పాలు, ఐస్ క్యూబ్స్ వేసి.. మరోసారి అన్నింటినీ గ్రైండ్ చేయాలి.
Step 3
ఇలా గ్రైండ్ చేసిన అనంతరం మిక్సీ జార్ మూత తీసి... అందులో ప్రోటీన్ పౌడర వేసి.. మళ్లీ గ్రైండ్ చేయాలి.
Step 4
అంతే.. ఈ విధంగా గ్రైండ్ చేసిన అనంతరం మూత తీస్తే.. బనాన పీనట్ బటర్ మిల్క్ షేక్ రెడీ.