Telugu Food Recipes | Delicious Food Recipes

చిన్నపిల్లల నుంచి పెద్దలవరకు ప్రతిఒక్కరు తీపి పదార్థాలను ఎంతో ఇష్టంగా తింటారు. అలాగే ఇంట్లో తయారుచేసుకునే స్వీట్స్, ఖీర్, ఇంకా ఇతరత్ర తీపి పదార్థాలను ఎంతో ప్రత్యేకంగా తయారుచేసుకుని మరీ తింటారు. ముఖ్యంగా ఇంట్లో చేసుకునే ఖీర్లు ఎన్నోరకాలుగా వుంటాయి.

కొన్ని సేమియాలతో, మరికొన్ని ఇతర పదార్థాలతో చేసుకుంటారు. అవన్నీ ఎంతో తీపిగానే వుంటాయిగానీ.. వాటన్నికంటే మఖాన్ ఖీర్ ఇంకా ఎంతో ప్రత్యేకంగా, రుచికరంగా వుంటుంది. పైగా ఇది తినడానికి ఎంతో హెల్తీగా, కడుపునింపేవిగా వుంటాయి. ఇటువంటి స్వీట్స్’ని ఉపవాసం వుండే వాళ్లు తీసుకుంటే ఎంతో మంచిది.

Prep Time

20 Minutes
Cooking Time

15 Minutes
Servings

2

కావాల్సిన పదార్ధాలు

3 కప్పులు లోఫ్యాట్ మిల్క్
1 లేదా 2 కప్పులు మఖాన
1 1/2 పంచదార
1 టేబుల్ స్పూన్ నెయ్యి
5 - 6 బాదాం
5-7 జీడిపప్పు (మధ్యలోకి కట్ చేసుకోవాలి)
చిటికెడు నట్’మగ్ పౌడర్
కొద్దిగా కుంకుమపువ్వు

తయారు చేయు విధానం

Step 1
ఒక పాన్ తీసుకుని అందులో కొద్దిగా నెయ్యి వేసి బాగా వేగించాలి. అలా వేగుతుండగానే అందులో మఖాన వేసి 5 నిముషాలవరకు మీడియం వంటమీద వేడి చేయాలి. అనంతరం వాటిని ఒక ప్లేట్ లోనికి తీసుకుని పెట్టుకోవాలి.
Step 2
మరోవైపు పాలలో కొద్దిగా కుంకుమపువ్వు వేసి నానబెట్టుకోవాలి.
Step 3
మరొక పాన్ తీసుకుని అందులో డీప్ బాటమ్’లో కొద్దిగా పాలు పోసి.. చిక్కబడే వరకూ మరిగించాలి. మరిగిన అనంతరం అందులో ఇదివరకే వేయించుకున్న మఖానాను వేసి.. మరో ఐదు నిముషాల వరకు మీడియం మంటమీద ఉడికించాలి. ఉడుకుతుండగా.. అందులో పంచదార వేసి.. బాగా కరిగేవరకు వేగించాలి.
Step 4
తర్వాత అందులో ముందుగా కుంకుమపువ్వు నానబెట్టుకున్న పాలను పోసి బాగా మిక్స్ చేస్తూ ఉడికించాలి. బాగా ఉడికిన అనంతరం స్టౌవ్ ఆఫ్ చేసేయాలి.
Step 5
అలా ఆఫ్ చేసిన అనంతరం అందులో బాదం, జీడిపప్పు, నట్’మగ్ పౌడర్ వేసి మిక్స్ చేసుకోవాలి. అంతే.. ఈ విధంగా మఖాన్ ఖీర్’ను తయారుచేసుకుని, సర్వ్ చేసుకోవచ్చు.