Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మష్రూమ్ ఎగ్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

3

కావాల్సిన పదార్ధాలు

కోడిగుడ్లు - ఐదు,
పుట్టగొడుగులు - పావుకేజీ (సన్నగా తరగాలి),
సగం కాల్చినచపాతీలు - ఆరు,
పాలకూర - పావుకప్పు,
చీజ్‌ తరుగు - రెండుకప్పులు,
ఉల్లిపాయ - ఒకటి (తరగాలి),
వెల్లుల్లి తరుగు - అరచెంచా,
కొత్తిమీర తరుగు - చెంచా,
ఆలివ్‌ నూనె - పావుకప్పు,
ఉప్పు- తగినంత,
మిరియాల పొడి - అరచెంచా,
వెన్న - పావుకప్పు.

తయారు చేయు విధానం

Step 1
కోడిగుడ్లలోని సొనను ఒక పాత్రలోకి తీసుకుని బాగా గిలకొట్టి పక్కన పెట్టుకోవాలి.
Step 2
పాన్‌లో నూనె వేసి పొయ్యి మీద పెట్టాలి.
Step 3
అందులో ఉల్లిపాయ ముక్కలూ, వెల్లుల్లి తరుగు వేయాలి.
Step 4
అవి వేగాక పుట్టగొడుగు ముక్కలు, కోడిగుడ్ల మిశ్రమం వేసి కాసేపు వేయించాలి.
Step 5
తర్వాత పాలకూర తరుగూ, ఉప్పూ వేయాలి.
Step 6
2 నిమిషాలయ్యాక కొత్తిమీర తరుగూ, మిరియాల పొడీ వేసి దించేయాలి.
Step 7
ఇప్పుడు ఒక చపాతీని తీసుకుని దాని మీద వెన్న రాసుకోవాలి.
Step 8
తర్వాత పాలకూర మిశ్రమాన్ని పూతలా రాయాలి. ఆపైన చీజ్‌ తరుగూ పరిచి మధ్యకు మడవాలి.
Step 9
ఇప్పుడు పాన్‌ను పొయ్యి మీద పెట్టి స్టఫ్‌ చేసిన చపాతీని మళ్లీ పొయ్యిమీద ఉంచి... మిగిలిన నూనె వేసుకుంటూ రెండువైపులా కాల్చుకోవాలి.
Step 10
తర్వాత కావాలనుకుంటే వీటిని ముక్కలుగానూ కోసుకోవచ్చు. అంతే మష్రూమ్ ఎగ్ సిద్ధమైనట్టే.