Telugu Food Recipes | Delicious Food Recipes

వెజిటేబుల్స్’తో తయారుచేసే గోబీ ఫ్రైడ్ రైస్ ఆరోగ్యానికి ఎంతో మంచిది. బయట ఫుడ్ తినడం కంటే ఇంట్లోనే తయారుచేసుకొని తినడం ఎంతో శ్రేయస్కరం. ఈ రైస్’లో కాలీఫ్లవర్’తోపాటు ఇతర గ్రీన్ వెజిటేబుల్స్ ఎన్నో వుంటాయి. ఇక వెజిటేబుల్స్’లో ఎన్నో పోషకవిలువలు, ఔషధగుణాలు, ఖనిజాలు, ఐరన్ వంటివి ఆరోగ్యకరమైన లక్షణాలు వుంటాయని అందరికీ తెలిసిందే! ఇన్ని లక్షణాలతో కూడిన ఈ రైస్ మిశ్రమాన్ని తీసుకుంటే.. ఎన్నో రోగాల నుంచి దూరంగా వుండటంతోబాటు ఎంతో బలంగా వుండొచ్చు.

కాలీ ఫ్లవర్ర’లో విటమిన్ సి, లోఫ్యాట్, క్యాన్సర్’తో పోరాడే ఇతర లక్షణాలతోబాటు అధిక మోతాదులో ఫైబర్ కూడా పుష్కలంగా వుంటుంది. ఇక గ్రీన్ వెజిటేబుల్స్’లో కాల్షియం, ఐరన్, ఇతర ఖనిజాలు చాలావరకు వుంటాయి. ఈ రెండింటి కాంబినేషన్’తో తయారయ్యే ఈ రైస్ ఎంతటి ఆరోగ్యకరమైందో ఇట్టే అర్థం చేసుకోవచ్చు. అయితే బయట చేసే గోబీ రైస్ కంటే ఇంట్లో చేసుకుంటేనే ఎంతో ఆరోగ్యకరం, శ్రేయస్కరం. మరి ఈ రైస్’ను ఎలా తయారుచేస్తారో తెలుసుకుందాం...

Prep Time

25 Minutes
Cooking Time

15 Minutes
Servings

2-4

కావాల్సిన పదార్ధాలు

2 కప్పులు బాస్మతి రైస్ (వండి పెట్టుకోవాలి)
1/2 పువ్వు కాలీ ఫ్లవర్ (కట్ చేసి పెట్టుకోవాలి)
1 లేదా 2 ఉల్లిపాయలు
2 లేదా 4 పచ్చిమిర్చి (సన్నగా తరిగి పెట్టుకోవాలి)
1/4 లేదా 1/2 టేబుల్ స్పూన్ పసుపు
1/2 టేబుల్ స్పూన్ కారం
1/2 టేబుల్ స్పూన్ జీలకర్ర
కొద్దిగా దాల్చిన చెక్క
తగినంత నూనె
రుచికి సరిపడా ఉప్పు

తయారు చేయు విధానం

Step 1
ఒక పాన్ తీసుకుని అందులో కాస్త నూనె వేసి వేడి చేయాలి. బాగా వేడైన అనంతరం అందులో జీలకర్ర, దాల్చిన చెక్క, లవంగాలు తదితర పదార్థాలు వేయాలి. జీలకర్ర చిటపటలాడిన వెంటనే అందులో ఉల్లిపాయ ముక్కలు వేసి, బ్రౌన్ కలర్’లో వచ్చేంతవరకు వేడి చేయాలి. తర్వాత పచ్చిమిర్చి వేసి వేగించాలి.
Step 2
బాగా వేడైన తర్వాత అందులో కారం, పసుపు, ఉప్పు వేసి బాగా మిక్స్ చేస్తూ వేడి చేయాలి. తర్వాత ఇందులోనే కాలీఫ్లవర్ వేసి.. మొత్తం మిశ్రమాన్ని బాగా కలుపుతూ వేడి చేయాలి. గోబీ బ్రౌన్ కలర్’లో వచ్చే వరకు వేడి చేస్తూ వుండాలి.
Step 3
గోబీ బ్రౌన్ కలర్’లోకి వచ్చి మెత్తగా అయిన తర్వాత అందులో ఇదివరకే వండిపెట్టుకున్న అన్నం వేసి మొత్తం మిశ్రమాన్ని బాగా కలుపుకోవాలి. ఇలా 10 నిముషాల వరకు వేడిమీదే మిక్స్ చేస్తూ ఉడికించిన అనంతరం కిందకు దింగుకోవాలి. అంతే.. రుచికరమైన గోబీ రైస్ రెడీ.