Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఇండియన్ కాజు చికెన్ మసాలా ఎలా తయారుచేయాలో ఇక్కడ తెలుసుకోండి.

Prep Time

45 Minutes
Cooking Time

30 Minutes
Servings

3

కావాల్సిన పదార్ధాలు

చికెన్: 1/2kg
ఉల్లిపాయలు: 2
పచ్చిమిర్చి: 4
కరివేపాకు: ఒక రెమ్మ
కాజూ: 1/2cup
కొత్తిమీర: 1cup
నూనె: తగినంత
ఉప్పు, కారం: రుచికి తగినంత
పసుపు: 1/2tsp
అల్లంవెల్లుల్లి ముద్ద: 2tbsp
మసాలాకు లవంగాలు: 6
చెక్క: చిన్న ముక్క
జీలకర్ర: 1tsp
ధనియాలు: 1tbsp
గసగసాలు: 2tsp
పాలు: 2tbsp

తయారు చేయు విధానం

Step 1
ముందుగా చికెన్ లో కొంచెం ఉప్పు, కారం, పసుపు, ఒక స్పూన్ అల్లం వెల్లుల్లి ముద్ద వేసి బాగా కలిపి ఒక అరగంట ఫ్రిజ్ లో ఉంచాలి.
Step 2
మసాలా దినుసులు అన్ని మెత్తగా పొడి కొట్టుకోవాలి.పది జీడిపప్పులు కూడా పొడి చేసుకోవాలి. నూనె వేడిచేసి మిగిలిన కాజూ వేయించి తీసుకోవాలి.
Step 3
ఇప్పుడు అదే నూనెలో తరిగిన కొత్తిమీర, మిర్చి, తగినంత కారం వేసి దోరగా వేగాక సన్నగా తరిగిన ఉల్లిపాయలు వేసి వేయించాలి.
Step 4
తర్వాత అల్లంవెల్లుల్లి ముద్దవేసి పచ్చివాసన పోయేవరకు వేయించి, మసాలా పొడి, పసుపు కూడా వేసి బాగా కలిపి రెండు నిముషాలు వేయించాలి.
Step 5
ఇప్పుడు నానబెట్టుకున్న చికెన్ వేసి బాగా కలిపి సన్ననిసెగపై అయిదు నిమిషాలు ఉడికించి,తగినంత ఉప్పు, ఒక కప్పు నీళ్ళు కలిపి మూత పెట్టి ఉడికించాలి.
Step 6
చికెన్ ముక్కలు మెత్తగా ఉడికిన తరువాత కాజూ పొడి, వేయించిన కాజూ కలిపి కూర బాగా దగ్గరయ్యే వరకు ఉడికించి దించెయ్యాలి. ఒక బౌల్ లోకి తీసుకుని కొంచెం కొత్తిమీర చల్లితే ఎంతో రుచిగా ఉండే చికెన్ కాజూ కుర్మా రెడీ అవుతుంది.