Telugu Food Recipes | Delicious Food Recipes

భోజనం చేసిన తర్వాత పాయాసం తాగడం కొంతమందికి అలవాటు. అలా తినడం వల్ల ఎంతో తృప్తిగా అనిపిస్తుంది. ఇలా తింటే జీర్ణక్రియ వ్యవస్థ బాగా పనిచేస్తుందని మరికొంతమంది అభిప్రాయం! ఏదైతేనేం.. ఏదో ఒకరకంగా పాయాసం మాత్రం తాగుతారు. రకరకాల పద్ధతుల్లో పాయాసాన్ని తయారుచేసుకోవచ్చు. కొంతమంది బియ్యంతో చేసుకుంటే, మరికొంతమంది రవ్వతో, సేమియాలతో, ఇతర పదార్థాలతో చేసుకుంటారు. అందులో భాగంగానే కోకోనట్ మిల్క్ - సేమియా పాయసం కూడా ఒకటి!

సాధారణంగా ఈ పాయసాన్ని ఏదైనా పండుగ సందర్భంలోగానీ, శుభకార్యాలు నిర్వహించుకున్నప్పుడు లేదా ఇంటికి అతిథులు వచ్చినప్పుడు ప్రత్యేకంగా తయారుచేస్తారు. ఇవి తాగుతున్నప్పుడు తియ్యగా వుండటంతోబాటు కడుపునింపుగా అనిపిస్తుంది. పైగా ఇందులో కొద్దిమోతాదులో పాలు కూడా వుంటుంది కాబట్టి అందులోని పోషకాలు ఆరోగ్యానికి ఎంతో మంచిది. మరి ఈ పాయసాన్ని ఎలా తయారుచేస్తారో తెలుసుకుందాం...

Prep Time

30 Minutes
Cooking Time

20 Minutes
Servings

2-3

కావాల్సిన పదార్ధాలు

1 కప్ సేమియా
1/2 లీటర్స్ పాలు
1/2 కప్ కొబ్బరిపాలు (పచ్చికొబ్బరి తురిమి గ్రైండ్ చేసి వడగట్టిన పాలు)
11/2 పంచదార
2 టేబుల్ స్పూన్స్ జీడిపప్పు పొడి
1/2 టేబుల్ స్పూన్స్ యాలకుల పొడి
3 టేబుల్ స్పూన్స్ నువ్వులు, మినప్పప్పు, పెసరపప్పు (అన్నీకలిపి)
1/4 కప్ ద్రాక్ష, బాదం, జీడిపప్పు (అన్నీ కలిపి)

తయారు చేయు విధానం

Step 1
ఒక పాన్ తీసుకుని అందులో నువ్వులు, మినప్పప్పు, పెసరపప్పు తదితర పదార్థాలు విడివిడిగా వేడి చేసుకోవాలి. అలా వేడి చేసిన అనంతరం మూడింటిని కలిపి మెత్తగా పొడిలా చేసుకోని పెట్టుకోవాలి.
Step 2
అదే పాన్’లో కొద్ది నెయ్యి వేసి వేడి చేసిన అనంతరం జీడిపప్పు, ద్రాక్ష, బాదం వేసి వేడి చేసుకోవాలి. వేడయిన అనంతరం ఈ మిశ్రమాన్ని పక్కన పెట్టుకోవాలి.
Step 3
మరోసారి అదే పాన్’లోనే కొద్దిగా నెయ్యి వేసి.. సేమ్యాను వేయించి పెట్టుకోవాలి.
Step 4
మరోవైపు మరో పాన్ తీసుకుని అందులో పాలు పోసి వేడి చేయాలి. వేడయ్యాక అందులో కొబ్బరిపాలను చేర్చి.. మరోసారి వేగించాలి. బాగా వేడైన తర్వాత సన్నని మంటపై వుంచి, అందులో సేమ్యా వేయాలి. అనంతరం పంచదార వేయాలి.
Step 5
అది వేడవుతున్నప్పుడు అందులో అరకప్పు పాలలో ఇదివరకే సిద్ధంచేసుకున్న మూడు మిశ్రమాల పొడిని కలిపి.. మరుగుతున్న పాలలో వేసి వేయించాలి. 10 నిముషాల తర్వాత జీడిపప్పు, యాలకులపొడి వేసి కలుపుకోవాలి.
Step 6
చివరగా జీడిపప్పు, ద్రాక్ష, బాదంతో గార్నిష్ చేయాలి. అంతే కొబ్బరిపాల సేమ్మా పాయసం రెడీ!