Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పాలక్ ప్రాన్ కర్రీ ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

30 Minutes
Servings

2

కావాల్సిన పదార్ధాలు

రొయ్యలు - 200grms(పొట్టు వలచి, శుభ్రం చేసిన)
పాలకూర తరుగు - 2cups
ఉల్లిపాయ - 1(సన్నగా తరిగి పెట్టుకోవాలి)
అల్లంవెల్లుల్లి పేస్టు - 2tsp
కారం - 1tsp
దనియాలపొడి - 1tsp
గరం మసాల పొడి - 1tsp
పసుపు - చిటికెడు
ఉప్పు - రుచికి తగినంత
పచ్చిమిర్చి - 2(సన్నగా తరిగి పెట్టుకోవాలి)
నూనె - సరిపడా

తయారు చేయు విధానం

Step 1
ముందుగా పాన్ లో కొద్దిగా నూనె వేసి వేడి అయ్యాక అందులో రొయ్యల్ని పచ్చివాసన పోయేవరకు చిన్నమంటపై వేగించి పక్కనుంచాలి.
Step 2
మరో పాన్ లో మరికొద్దిగా నూనె వేసి ఉల్లి, పచ్చిమిర్చి తరుగు, పసుపు, అల్లంవెల్లుల్లి పేస్టు వేసి రెండు నిమిషాలు వేగించాలి.
Step 3
ఇప్పుడు అందులోనే రొయ్యలు, కారం, దనియాలపొడి కలిపి మరికొద్దిసేపు వేగించాలి.
Step 4
తర్వాత పాలకూర తరుగు, ఉప్పు కలిపి మూతపెట్టాలి. పాలకూర మెత్తబడ్డాక కప్పు నీటిని చేర్చి మరికొద్దిసేపు ఉడికించాలి.
Step 5
రొయ్యలు ఉడికి, కూర చిక్కబడ్డాక గరం మసాల పొడి వేసి దించేయాలి. వేడి వేడి అన్నంతో తింటే ఎంతో రుచిగా ఉండే కూర ఇది. (ఇష్టమైతే పాలకూర తరుగు బదులు దాన్ని ఉడికించి, పేస్టుచేసి కూడా కలుపుకోవచ్చు). అంతే పాలక్ ప్రాన్ కర్రీ రెడీ...