Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఊసిరికాయ పప్పు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

30 Minutes
Servings

4

కావాల్సిన పదార్ధాలు

కందిపప్పు - ఒక కప్పు,
టమాటాలు - 4,
ఉల్లిగడ్డ - 1,
ఉసిరికాయలు - 10,
కారం - ఒక టీ స్పూన్,
పసుపు - కొద్దిగా
శనగపప్పు - ఒక టీ స్పూన్ ,
మినపప్పు - ఒక టీ స్పూన్,
ఆవాలు - అర టీ స్పూన్,
జీలకర్ర - అర టీ స్పూన్,
వెల్లుల్లిపాయలు - 3,
ఎండు మిరపకాయలు - 2,
కరివేపాకు - 2 రెమ్మలు,ఉప్పు, నూనె - తగినంత

తయారు చేయు విధానం

Step 1
ఉసిరికాయలను గింజలు తీసి చిన్న ముక్కలుగా కట్ చేసుకోవాలి.
Step 2
టమాటాలను పెద్ద ముక్కలుగా, ఉల్లిపాయలను మామూలు సైజ్‌ల్లో కట్ చేయాలి.
Step 3
కుక్కర్‌లో కందిపప్పు, ఉసిరికాయ ముక్కలు, టమాటా ముక్కలు, ఉల్లిపాయ ముక్కలు, పసుపు వేసి, నీళ్లు పోసి ఉడికించాలి.
Step 4
మెత్తగా అయ్యేవరకు ఉడకనివ్వాలి. ఆ తర్వాత కాస్త ఉప్పువేసి పప్పు సుద్దతో బాగా మెదపాలి.
Step 5
ఇప్పుడు కడాయిలో నూనె పోసి.. ఆవాలు, జీలకర్ర, శనగపప్పు, మినపప్పు, వెల్లుల్లిపాయలు వేసి వేయించాలి.
Step 6
దీంట్లో ఎండుమిరపకాయలు, కరివేపాకు, పసుపు వేసి పోపు చేయాలి. ఈ మిశ్రమాన్ని పప్పులో వేసి కలపాలి.
Step 7
ఉసిరికాయ పప్పును వేడి అన్నంతో కలిపి ఆరగించేయొచ్చు.