Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సొరకాయ తెప్లా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

2

కావాల్సిన పదార్ధాలు

సొరకాయ తురుము - ఒక కప్పు,
గోధుమపిండి - ఒక కప్పు,
పచ్చిమిర్చి (సన్నగా తరిగి)- ఒకటి,
ఉప్పు -ముప్పావు స్పూన్,
నూనె -ఒక టీస్పూన్,
కొత్తిమీర తురుము - ఒక టేబుల్ స్పూన్,
కసూరి మెంతి - ఒక టేబుల్‌స్పూన్,
కారం - పావు టీస్పూన్,
పసుపు - రెండు చిటికెలు,
చాట్ మసాలా - పావు టీస్పూన్,
గోధుమ పిండి - మూడు టేబుల్ స్పూన్‌లు,
నెయ్యి లేదా నూనె - రెండు టేబుల్‌స్పూన్‌లు (తెప్లా పైన పూసేందుకు)

తయారు చేయు విధానం

Step 1
గోధుమపిండిలో సొరకాయ తురుము, ఉప్పు, పచ్చిమిర్చి తరుగు, కొత్తిమీర తురుము, కసూరిమెంతి, కారం, పసుపు, చాట్ మసాలా, నూనె వేసి ముద్దలా కలపాలి.
Step 2
సొరకాయలో నీళ్లు ఉంటాయి కాబట్టి పిండి కలిపేటప్పుడు ప్రత్యేకించి నీళ్లు పోయనక్కర్లేదు.
Step 3
ఒకవేళ పిండి మరీ జారుగా అయితే మరికొంచెం గోధుమపిండి కలపండి.
Step 4
మెత్తటి ముద్ద తయారుచేసుకున్న తరువాత దాన్నుంచి పది చిన్న చిన్న ఉండలు చేయాలి.
Step 5
ఆ తరువాత రొట్టెల పెనాన్ని వేడి చేయాలి.
Step 6
అది వేడెక్కుతుండగానే గోధుమపిండిలో ఉండల్ని దొర్లించి రొట్టెల కర్రతో నాలుగైదు అంగుళాల వెడల్పులో గుండ్రంగా వత్తాలి.
Step 7
వీటిని వేడెక్కిన పెనం మీద వేసి ఎర్రటి మచ్చలు వచ్చే వరకు కాల్చాలి.
Step 8
ఆ తరువాత రెండో వైపు తిప్పి పైన నూనె పూసి చివర్లను గరిటెతో నొక్కుతూ కాల్చాలి. ఇలానే రెండో వైపు కూడా చేయాలి.
Step 9
రెడీ అయిన తెప్లాలను మీకు నచ్చిన కూర లేదా పచ్చడితో తినొచ్చు. ప్రయాణాల్లో వీటిని వేడివేడి టీతో కలిపి తిన్నా బాగుంటాయి.