Telugu Food Recipes | Delicious Food Recipes

ప్రస్తుత ఫాస్ట్ జనరేషన్’లో ప్రతిఒక్కరు ఉదయం వేళ బ్రేక్’ఫాస్ట్ చేడానికి ఉపక్రమించడం లేదు. ఉదయాన్నే లేవగానే ఆఫీసు వేళ కావడంతో హడావుడిగా వెళ్లిపోవాల్సి వస్తుంది. దాంతో మధ్యాహ్నం వరకు పొత్తికడుపుతోనే వుండిపోతారు. ఇలా రెగ్యులర్’గా నడిస్తే ఎన్నో ఆరోగ్యసమస్యల్ని ఎదుర్కోవలసి వస్తుంది. కాబట్టి... ఉదయాన్నే లేవగానే బ్రేక్’ఫాస్ట్ చేయడం ఎంతో ముఖ్యం.

ఉదయాన్నే టిఫిన్ చేయడానికి సమయం లేకపోతే.. అందుకు ఒక ఉపాయం వుంది. అదే నూడిల్స్. తమను తాము రెడీ చేసుకొంటూనే తక్కువ సమయంలోనే బ్రేక్’ఫాస్ట్ కూడా రెడీ చేసుకోవచ్చు. పైగా ఇది ఎంతో రుచికరంగా వుండటంతోబాటు చురుకుగా వుండేలా చేస్తుంది. ఉదయాన్నే దినచర్యను మార్చేసి, ఉత్తేజంగా వుండేలా చేస్తుంది. మరి ఈ టేస్టీ, హెల్తీ నూడిల్స్’ని ఎలా తయారుచేస్తారో తెలుసుకుందాం...

Prep Time

20 Minutes
Cooking Time

15 Minutes
Servings

1

కావాల్సిన పదార్ధాలు

10 గ్రాములు నూడిల్స్
1 - 2 ఉల్లిపాయలు (సన్నగా తరగాలి)
1 - 2 టమోటా (సన్నగా తరగాలి)
1 - 2 క్యారెట్ (సన్నగా తరగాలి)
2 టీ స్పూన్స్ పచ్చిబఠానీ
1/2 టీ స్పూన్ పంచదార
1 టీ స్పూన్ సోయాసాస్
1/2 టీ స్పూన్ నిమ్మరసం
1 కప్ నీళ్లు
తగినంత ఉప్పు
తగినంత నూనె

తయారు చేయు విధానం

Step 1
ఒక పాన్ తీసుకుని అందులో కొద్దిగా నూనె వేసి వేడి చేయాలి. తర్వాత అందులో ఉల్లిపాయ ముక్కలు వేసి బ్రౌన్ కలర్’లో వచ్చేవరకు ఫ్రై చేయాలి. కలర్ మారిన వెంటనే పచ్చిమిర్చి ముక్కలు వేసి బాగా వేగించాలి. అనంతరం అందులోనే కట్ చేసిన టమోటా ముక్కలు కూడా వేసి వేగించాలి. ఇవన్నీ మెత్తగా అయ్యేంతవరకు మీడియం మంట మీద ఉడికించాలి.
Step 2
ఆ మిశ్రమం మెత్తబడిన తరువాత అందులో కొద్ది నీళ్లు పోసి మరో ఐదునిముషాలు మరగించాలి. నీళ్లు బాగా మరిగేటప్పుడు పచ్చిబఠానీలు, క్యారెట్ ముక్కలు వేసి మాంచి వేడి మీద వేగించాలి. బాగా వేడయ్యాక అందులో నూడిల్స్ వేసి మొత్తం మిశ్రమాన్ని కలుపుతూ మరగించాలి. నూడిల్స్ బాగా ఉడుకుతున్నప్పుడు అందులో కాస్త పంచదార చిలకరించి ఉడికించాలి.
Step 3
ఇలా చేసిన తరువాత ఆ పాత్రకు మూతపెట్టి, ఆవిరిమీద ఉడికేలా చేయాలి. 5 నిముషాల తర్వాత మూత తీసి సోయాసాస్, నిమ్మరసం జోడించి మిక్స్ చేయాలి. అప్పుడు నూడిల్స్ సాఫ్ట్’గా ఉడికిన తరువాత స్టౌవ్ ఆఫ్ చేయాలి. అంతే! హాట్ హాట్ నూడిల్స్ రెడీ!