Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పన్నీర్ కుల్చా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

2

కావాల్సిన పదార్ధాలు

మైదా - 2 కప్పులు,
పాలు - అర కప్పు,
పెరుగు - పావు కప్పు,
చక్కెర - అర టీ స్పూన్,
బేకింగ్ పౌడర్ - 3/4 టీ స్పూన్,
నువ్వులు - 3 టీ స్పూన్స్,
నెయ్యి - 2 స్పూన్స్,
తురిమిన పన్నీర్ - పావు కప్పు,
ఉల్లిగడ్డ - 1,
పచ్చిమిరపకాయలు - 2,
చాట్‌మసాలా - ఒక టీ స్పూన్,
కారం - ఒక టీ స్పూన్,
ఉప్పు - తగినంత

తయారు చేయు విధానం

Step 1
పాలను వేడిచేసి చల్లార్చుకోవాలి. మైదాలో బేకింగ్ సోడా, ఉప్పు వేసి కలపాలి.
Step 2
దీంట్లో చక్కెర, చల్లని పాలు, పెరుగు వేసి ఉండలు కట్టకుండా బాగా కలుపుకోవాలి.
Step 3
దీనిపై ఒక మెత్తని వస్త్రం కప్పి రెండు గంటల పాటు పక్కన పెట్టాలి.
Step 4
ఈలోపు పచ్చిమిరపకాయలను, ఉల్లిగడ్డను చిన్నగా కట్ చేసుకోవాలి.
Step 5
ఒక గిన్నెలో పన్నీర్, ఉల్లిపాయ ముక్కలు, పచ్చిమిరపకాయలు, కారం, చాట్‌మసాలా వేసి కలపాలి.
Step 6
ఇప్పుడు మైదాను తీసుకొని చిన్నచిన్న ఉండలుగా చేసి చపాతీల్లా ఒత్తుకోవాలి.
Step 7
దీంట్లో పన్నీర్ మిశ్రమాన్ని పెట్టి మళ్లీ చిన్న ముద్దలా చేయాలి. మళ్లీ కొద్దిగా పిండి, నువ్వులు వేస్తూ చపాతీల్లా చేసుకోవాలి.
Step 8
ఇలా పిండి మొత్తాన్ని చేసుకొని పక్కన పెట్టుకోవాలి. తర్వాత పెనం పెట్టి కొద్దిగా నెయ్యి వేస్తూ సన్నని మంట మీద రెండు వైపులా కాల్చుకోవాలి.
Step 9
వేడి.. వేడి.. పన్నీర్ కుల్చా రెడీ! వీటిని బఠాణీలతో చేసినా ఏ కూరతోనైనా లాగించేయొచ్చు.