Telugu Food Recipes | Delicious Food Recipes

పచ్చిబఠానీ, బంగాళదుంపల మిశ్రమంతో తయారయ్యే ఈ వంటకం ఎంతో రుచిగా వుంటుంది. ప్రతిరోజూ ఒకేరకమైన వంటకాలు తినితిని బోర్ కొడితే.. ఏదైనా ప్రత్యేకంగా తినాలని అనిపిస్తుంది. అలాంటప్పుడు ఈ ఆలు పుజియా వంటకాన్ని చేసుకుని తింటే చాలా వెరైటీగా అనిపిస్తుంది. లంచ్, డిన్నర్’లో భోజనంతోపాటు దీనిని తీసుకుంటే అద్భుతంగా వుంటుంది.

ఈ వంటకాన్ని తయారుచేయడం చాలా సులభం. పైగా ఎక్కువ పదార్థాలు కలపాల్సిన అవసరమూ లేదు. ఎక్కువ కష్టపడకుండా అనతికాలంలోనే సింపుల్’గా ముగించేయొచ్చు. ఇంటికి అతిథులు వచ్చినప్పుడు కూడా వారికి ప్రత్యేకంగా పెట్టాలనుకున్నప్పుడు.. అప్పటికప్పుడే ఈ టేస్టీ పుజియాను తయారుచేసుకొని వారికి వడ్డించొచ్చు. మరి ఈ వంటకాన్ని ఎలా తయారుచేస్తారో తెలుసుకుందాం...

Prep Time

20 Minutes
Cooking Time

15 Minutes
Servings

2-4

కావాల్సిన పదార్ధాలు

2 - 5 బంగాళదుంపలు (ఆలూ) (కట్ చేసినవి)
250 గ్రాములు పచ్చి బఠానీలు
1 - 2 ఉల్లిపాయలు (కట్ చేయాలి)
1/4 టీ స్పూన్ పసుపు
1/4 టీ స్పూన్ జీలకర్ర
1/4 టీ స్పూన్ పెప్పర్
1/2 టీ స్పూన్ కారం
తగినంత నూనె
రుచికి తగినంత ఉప్పు

తయారు చేయు విధానం

Step 1
ఒక పాత్రను స్టౌవ్ మీద పెట్టి అందులో కొద్దిగా నూనె వేసి వేడి చేయాలి. వేడయ్యాక అందులో జీలకర్ర, ఉల్లిపాయలు వేసి.. బ్రౌన్ కలర్’లోకి వచ్చేంతవరకూ ఉడికించాలి.
Step 2
కలర్ మారిన తర్వాత అందులో బంగాళదుంప, పచ్చిబఠానీలు వేసి బాగా ఫ్రై చేయాలి. అనంతరం పసుపు, కారం, పెప్పర్ పౌడర్, తగినంత ఉప్పు వేసి.. మొత్తం మిశ్రమాన్ని మిక్స్ చేస్తూ మీడియం మంటమీద ఫ్రై చేస్తూ వుండాలి.
Step 3
అలా ఫ్రై చేసిన అనంతరం మూతపెట్టేసి కొద్దిసేపటివరకు వేడి చేయాలి. (మూతపెట్టడం వల్ల వంటకం త్వరగా ఉడుకుతుంది). అలా ఉడికించిన తర్వాత మూత తీసేస్తే.. ఆలూ పుజియా రిసిపీ రెడీ!