Telugu Food Recipes | Delicious Food Recipes

బర్త్’డే సందర్భంగా కొంతమంది ప్రత్యేకమైన కేక్’లను తయారుచేయించుకుంటారు. సాధారణ సమయంలో కూడా కేక్ అంటే ఇష్టపడని వారుండరు. కానీ.. బర్త్’డేనాడు తినడం కొంచెం ప్రత్యేకంగా అనిపిస్తుంది. ఇక అటువంటి సందర్భాల్లో ఘనంగా పార్టీని నిర్వహించుకుంటారు కాబట్టి.. సాధారణ కేకులు కాకుండా కాస్త వెరైటీ కేకులను ఆర్డర్ చేస్తారు.

కేక్’లను ఎన్నోరకాల పద్ధుతుల్లో తయారుచేస్తారు. అందులో కొన్ని ఎంతో టేస్టీగా వుంటే, మరికొన్ని మరింత యమ్మీగా అనిపిస్తాయి. ఇక మ్యాంగో చీజ్ కేక్ అయితే చాలా టేస్టీగా వుంటుంది. ఈ కేక్’ను బాగా పండిన మామిడిపండ్లతో చేస్తారు. ఈ కేక్’ను ఎలా తయారుచేస్తారో తెలుసుకుందాం..

Prep Time

30 Minutes
Cooking Time

30 Minutes
Servings

4-10

కావాల్సిన పదార్ధాలు

2 - 4 మామిడిపళ్లు
1/2 కప్ మామిడిగుజ్జు
1 టీ స్పూన్ వెనీలా ఎసెన్స్
1 కప్ హెవీ క్రీమ్
3 - 4 కప్స్ మేరీ బిస్కెట్ల పొడి
2 టీ స్పూన్స్ కన్ఫెక్షనరీ పంచదార
50 గ్రాములు పనీర్ తురుము
100 గ్రాములు పనీర్
150 గ్రాములు క్రీమ్ చీజ్
6 టీ స్పూన్స్ పంచదార పొడి
4 టీ స్పూన్స్ కరిగించిన బటర్
1/4 కప్ పాలు

తయారు చేయు విధానం

Step 1
శుభ్రంగా కడిగిన ఒక పాత్రను తీసుకుని అందులో హెవీ క్రీమ్, 2 టీ స్పూన్ల కన్ఫెక్షనరీ పంచదార వేసి బాగా కలుపుకోవాలి. అనంతరం బిస్కెట్ల పొడి వేసి, పూర్తిగా కరిగిపోయేలా కలపాలి. ఈ మిశ్రమాన్ని గట్టిగా ఒత్తి, ఒక బౌల్’లో వేసి డీప్ ఫ్రిజ్’లో 10 నిముషాలపాటు వుంచాలి.
Step 2
పనీర్’ను సన్నగా తురిమి కొద్దిగా నీరు జతచేసి, మిక్సీలో వేసి మెత్తగా చేయాలి. ఈ పనీర్ మిశ్రమంలో పంచదార పొండి, వెనీలా ఎసెన్స్, క్రీమ్ చీజ్ తదితర పదర్థాలు జత చేసి.. మెత్తగా అయ్యేవరకూ గిలక్కొట్టాలి. (అవసరముంటే పాలు జతచేయొచ్చు)
Step 3
మరోవైపు మామిడిపళ్ల తొక్కను పూర్తిగా తీసేసి, చిన్నచిన్నముక్కలుగా కట్ చేసుకోవాలి. ఇందులోని సగం ముక్కలను ఇదివరకు చేసుకున్న చీజ్ మిశ్రమంలో వేసి కలపాలి. అలాగే క్రీమ్ చీజ్ మిశ్రమాన్ని చీజ్ కేక్ బేస్ మీద పోసి, స్పూన్’తో సర్దాలి. ఇలా చేసిన తర్వాత ఆ మిశ్రమంపై మామిడిపండు గుజ్జును వేసి ఒక గంటపాటు ఫ్రిజ్’లో వుంచాలి.
Step 4
అలా వుంచిన అనంతరం బయటకు తీసి, ఆ కేక్’పై మామిడి పండు ముక్కలతో అలంకరించాలి. అంతే! మామిడిపండు చీజ్ కేక్ రెడీ! ఈ రకమైన మామిడిపళ్లతో బర్త్’డే పార్టీలను ఎంతగానో ఎంజాయ్ చేయొచ్చు.