Telugu Food Recipes | Delicious Food Recipes

మామిడికాయను పండ్ల రారాజుగా పేర్కొంటారని అందరికీ తెలిసిందే! ఎందుకంటే.. మామిడితో వివిధరకాల ఫ్రూట్స్, వంటకాలు, పిక్కిల్స్, ఇంకా ఎన్నోరకాల రిసిపీలను తయారుచేయవచ్చు. అంతేకాదు.. మానవశరీరానికి అవసరయ్యే పోషకవిలువలు కూడా ఇందులో పుష్కలంగా వుంటాయి. అందుకే.. పండ్లలోనే దీనికి ప్రత్యేకస్థానం వుంది.

ఇక ఈ పండ్లరసాల విషయానికొస్తే.. వివిధ ప్రాంతాల్లో ఒక్కొక్కరకంగా తయారుచేస్తారు. అందులో భాగంగానే పంజాబ్’లో డ్రై ఫ్రూట్ మ్యాంగో లస్సీ ఎంతో అద్భుతంగా వుంటుంది. వారికి ఇది ట్రెడిషనల్ లస్సీ. అంటే.. ఏ కార్యాలొచ్చిన ఈ లస్సీ ఖచ్చితంగా వుండాల్సిందే! అంతేకాదు.. ప్రతిఒక్క రెస్టారెంట్లోనూ దీని డిమాండ్ బాగానే వుంటుంది.

ఇది పంజాబ్’లోనే కాదు.. విదేశాల్లో కూడా చాల ఫేమస్. దీనిని తాగిన వెంటనే మైండ్ రీఫ్రెషింగ్ అయి చాలా కూల్’గా వుంటారు. మనసు ప్రశాంతంగా వుంటుంది. కోల్పోయిన శక్తిని తిరిగి పొందగలరు. ఇంతటి పౌష్టికమైన ఈ లస్సీని ఎలా తయారుచేస్తారో తెలుసుకుందాం...

Prep Time

30 Minutes
Cooking Time

15 Minutes
Servings

2-3

కావాల్సిన పదార్ధాలు

1 - 2 మామిడిపండ్లు (పొట్టుతీసి ముక్కలుగా కట్ చేయాలి)
1 కప్ పెరుగు
4 - 5 బాదం (పొడిగా చేయాలి)
4 - 5 పిస్తా (చిన్న ముక్కలుగా కట్ చేయాలి)
3 టీ స్పూన్స్ పంచదార
2-4 చుక్కలు రోజ్ వాటర్
3-5 ఐస్ క్యూబ్స్

తయారు చేయు విధానం

Step 1
ఒక బౌల్ తీసుకుని దానిని కొద్దిగా పెరుగుతో బాగా గిలక్కొట్టాలి. తర్వాత ఆ మిశ్రమ సాధనలో కాస్త పెరుగు, మామిడిపండు ముక్కలు, కొద్దిగా నీరు, పంచదార వేసి గ్రైండ్ చేయాలి. తర్వాత అందులో కొద్దిగా రోజ్ వాటర్ వేసి కొద్దిసేపటివరకు కలియబెట్టాలి.
Step 2
ఆ విధంగా కలిపిన ఆ మొత్తం మిశ్రమాన్ని వేరొక గిన్నెలో వడగట్టుకోవాలి. అప్పుడు మామిడిగుజ్జు ఫైబర్ ఆ మిశ్రమం నుంచి తొలగిపోతుంది.
Step 3
ఇప్పుడు ఒక గ్లాస్ తీసుకుని అందులో ఐస్ క్యూబ్స్ వేయాలి. తర్వాత అందులో ఇదివరకు వడగట్టుకున్న మ్యాంగో లస్సీని పోయాలి. తర్వాత డ్రైఫ్రూట్స్’తో గార్నిష్ చేయాలి. అంతే.. డ్రై ఫ్రూట్ మ్యాంగో లస్సీ రెడీ!