Telugu Food Recipes | Delicious Food Recipes

ఫ్రూట్ సలాడ్’లాగే ఇతర పండ్లను జోడించి మిక్స్డ్ ఫ్రూట్ తయారుచేసుకుని తీసుకుంటే ఆరోగ్యానికి ఎంతో మంచిది. ప్రతిరోజూ రోజువారి ఆహారవంటకాలను తిని బోర్ కొట్టినప్పుడు రకరకాల ఫ్రూట్స్’ను జోడించి ఒక పానీయంలా చేసుకుంటే.. కడుపు నింపుగా వుండి, ఆకలిగా వుండదు. పైగా అది ఆరోగ్యాన్ని మెరుగుపరుస్తుంది కూడా!

సాధారణంగా పండ్లలో శరీరానికి కావలసిన పోషకవిలువలు చాలా వుంటాయని అందరికీ తెలిసిందే! అటువంటి పండ్లను ఒకేసారి ఏకంచేసి ఒక జ్యూస్ చేసుకుని తింటే.. ఎన్ని ఆరోగ్యప్రయోజనాలుంటాయో అర్థం చేసుకోవచ్చు. మరి.. ఆ కలర్’ఫుల్ ఫ్రూట్ మిక్స్డ్ ఎలా తయారుచేస్తారో తెలుసుకుందాం...

Prep Time

25 Minutes
Cooking Time

15 Minutes
Servings

2-4

కావాల్సిన పదార్ధాలు

500 మి.లీ. పాలు
2 గుడ్లు
4-6 స్ట్రాబెర్రీలు (సన్నగా కట్ చేయాలి)
6-8 బ్లూబెర్రీస్
1 కప్ రెడ్ జెల్లీ
1 కప్ గ్రీన్ జెల్లీ
1-2 మామిడిపండు (చిన్నముక్కలుగా చేయాలి)
4-6 లీచీ (విత్తనాలు తొలగించాలి)
6-8 పీచ్
5 బిస్కెట్లు
2 టీ స్పూన్స్ కస్టర్డ్ పౌడర్
1/2 కప్ పంచదార పొడి
1/2 కప్ మాపుల్ సిరప్

తయారు చేయు విధానం

Step 1
ఒక పెద్ద పాత్ర తీసుకుని అందులో పాలు పోసి బాగా మరిగించాలి. అనంతరం అందులో కస్టర్డ్ పౌడర్, బిస్కెట్స్, గిలక్కొట్టిన గుడ్డు వేసి కలియబెట్టాలి. అలా కలియబెట్టిన ఆ పాలు మిశ్రమం బాగా మరిగి కాస్త తగ్గిన తరువాత అందులో పంచదార వేసి మిక్స్ చేయాలి.
Step 2
మరో గ్లాస్ బౌల్ తీసుకుని అందులో చిక్కగా ఉడికించుకున్న పాల మిశ్రమాన్ని కొద్దిగా (లేయర్’లాగా) పోయాలి. తర్వాత దానిమీద రెడ్ జెల్లీ, మరో లేయర్ గ్రీన్ జెల్లీ పోయాలి. అనంతరం ఫ్రూట్స్ సర్దాలి.
Step 3
అలా చేసిన అనంతరం మళ్లీ ఓ లేయర్ చిక్కటిపాల మిశ్రమాన్ని పోయాలి. ఇలా పదార్థాలన్నీ పూర్తయ్యేంతవరకు అన్నింటినీ లేయర్స్’గా పోసుకోవాల్సి వుంటుంది.
Step 4
ఆ విధంగా లేయర్స్ మొత్తం తయారుచేసుకున్న అనంతరం ఆ గ్లాస్ బౌల్’ను ఫ్రిజ్’లో 2 గంటలపాటు వుంచాలి. అంతే.. కలర్’ఫుల్ ఫ్రూట్ ఫుడ్డింగ్ రెడీ!