Telugu Food Recipes | Delicious Food Recipes

దాల్చిక చెక్క - అల్లంతో తయారుచేసుకునే టీ పానీయంతో శరీర ఆరోగ్యం మెరుగుపడుతుంది. ముఖ్యంగా శరీర బరువును చాలావరకు తగ్గించుకోవచ్చు. అలాగే ఎఫెక్టివ్’గా అన్ని కార్యకలాపాల్లో పాల్గొనవచ్చు. ఎందుకంటే.. చెక్క, అల్లంలో మానవ శరీరానికి అవసరమయ్యే కొన్ని కీలక పోషకవిలువలు పుష్కలంగా వుంటాయి.

అవి శరీరంలోని కొవ్వు పదార్థాలను తగ్గించి, బరువును అదుపులో వుంచుతాయి. అంతేకాదు.. గుండె సంబంధిత వ్యాధుల నుంచి పోరాడీ, గుండెను సురక్షితంగా వుంచడంలో ప్రధానపాత్రను పోషిస్తాయి. మరి... ఇంతటి ఆరోగ్యకరమైన ఈ అల్లం-చెక్క టీని ఎలా తయారుచేస్తారో తెలుసుకుందామా...

Prep Time

15 Minutes
Cooking Time

15 Minutes
Servings

1-2

కావాల్సిన పదార్ధాలు

2 అంగుళాల (inches) దాల్చిన చెక్క
1 అంగుళం (inches) అల్లం (తురుముకోవాలి)
1 టీ స్పూన్ బ్లాక్ టీ ఆకులు
2 స్లైడ్స్ నిమ్మకాయ
5-8 పుదీనా ఆకులు

తయారు చేయు విధానం

Step 1
ఒక గిన్నె తీసుకుని అందులో 3 కప్పుల నీళ్లు పోసి బాగా మరిగించుకోవాలి. అనంతరం అందులో దాల్చిన చెక్క లేదా దాని పొడి వేసి మరోసారి వేడి చేయాలి.
Step 2
ఇలా 5 నిముషాలవరకు ఉడికించుకున్న తర్వాత అందులో అల్లం తురుము వేసి మీడియం మంట మీద 5 నిముషాలవరకు వేడి చేయాలి. తర్వాత టీ ఆకులు వేసి, స్టౌవ్ ఆఫ్ చేసుకోవాలి. టీ ఆకులను అందులో కొద్దిసేపటివరకు బాగా నాననివ్వాలి. (మూడపెడితే మంచిది).
Step 3
అలా చేసిన తర్వాత ఈ లిక్విడ్’ను రెండు కప్పుల్లో పోసుకోవాలి. అనంతరం రెండు ముక్కలు చేసుకున్న నిమ్మకాయలను రెడు కప్పుల వద్ద వుంచి, పుదీనా ఆకులతో గార్నిష్ చేయాలి. అంతే.. దాల్చిన చెక్క - అల్లం టీ రెడీ!