Telugu Food Recipes | Delicious Food Recipes

చాక్లెట్స్ అంటే చిన్నపిల్లలే కాదు.. పెద్దవారు కూడా ఎంతో ఇష్టంగా తింటారు. డార్క్ చాక్లెట్స్ అయితే ఆరోగ్యానికి మంచిది కూడా! ఆ విషయాలను కాస్త పెడితే.. చాక్లెట్స్’తో కూడా ఎన్నోరకాల స్వీట్ పదార్థాలు మార్కెట్లోకి వచ్చేస్తున్నాయి.చాక్లెట్ బిస్కెట్స్, మిల్క్ షేక్స్, జ్యూసెస్ ఇంకా రకరకాల పద్ధతుల్లో చాక్లెట్స్ లభ్యమవుతున్నాయి. అటువంటివాటిల్లో ఈ చాక్లెట్ చిప్ కుకీస్ కూడా ఒకటి! ఇవి ఎంతో తియ్యగా, రుచికరంగా వుంటాయి. ముఖ్యంగా చిన్నపిల్లలైతే వీటిని మరింత ఇష్టంగా తింటారు. మరి వీటిని ఇంట్లో ఎలా తయారుచేస్తారో తెలుసుకుందామా...

Prep Time

20 Minutes
Cooking Time

30 Minutes
Servings

2-4

కావాల్సిన పదార్ధాలు

2 కప్స్ మైదా లేదా గోధుమపిండి
6 టీ స్పూన్స్ కోకో పౌడర్
1 కప్ చాక్లెట్ చిప్స్
1 టీ స్పూన్ వెనీలా ఎసెన్స్
1/2 కప్ వెన్న
1 కప్ పంచదార
చిటికెడు వంటసోడా
1 టీ స్పూన్ బేకింగ్ పౌడర్

తయారు చేయు విధానం

Step 1
ఒక పాత్ర తీసుకుని అందులో కొద్దిగా మైదా లేదా గోధుమపిండి వేయాలి. అనంతరం అందులో వంటసోడా, బేకింగ్ పౌడర్ కలిపి చల్లించారు.
Step 2
మరొక పాత్ర తీసుకుని అందులో వెన్న, పంచదార కలిపి బాగా గిలక్కొట్టాలి. అలా కలిపిన తర్వాత అందులో పిండి, వెనిలా ఎసెన్స్, కోకో పౌడర్ వేసి బాగా కలిపిన తర్వాత చాకో చిప్స్ వేసి మరోసారి మెల్లగా కలపాలి. (చపాతీ పిండిలా మిశ్రమం ఏర్పడుతుంది)
Step 3
ఈ విధంగా పిండిలా చేసుకున్న ఈ మిశ్రమంతో చిన్నచిన్న ఉండలు చేసి, వాటిని కాస్త వెడల్పుగా వత్తి, వెన్న రాయాలి. ఈ పిండి అయిపోయేంతవరకు అన్ని ఉండలు చేసుకుని, వెడల్పాటి టిన్నులో వరుసగా పేర్చాలి. (ఈ క్రమంలోనే ఓవెన్’ను 220 డిగ్రీల వద్ద వేడి చేసుకోవాలి). ఆ టిన్నును ఓవెన్’లో పెట్టి 20 నిముషాలు బేక్ చేయాలి. అంతే! చాక్లెట్ చిప్స్ కుకీస్ రెడీ!
Step 4
ఒకవేళ ఓవెన్ లేకపోతే.. కుక్కర్ క్రిందిభాగంలో వెన్నరాసి ఆ కుకీస్’ని వరుసగా పేర్చి సన్నని మంటమీద 40 నిముషాలపాటు వుంచి, దించేయాలి. (విజిల్ వచ్చేవరకు పెట్టకూడదు).