Telugu Food Recipes | Delicious Food Recipes

వింటర్’లో ప్రతిఒక్కరు వేడివేడిగా వుండే కొన్ని ప్రత్యేకమైన వంటకాల(స్నాక్)ను సేవించడానికి ఎంతో ఇష్టపడతారు. ముఖ్యంగా సాయంత్రవేళల్లో పకోడీలు, రకరకాల సూప్’లు, ఇంకా ఇతరత్ర వేడి పదార్థాలు తీసుకుంటారు. అయితే వీటిలో హాట్’హాట్’గా వుండే సూప్’లను వింటర్’లో తింటే మాత్రం ఎంతో ఆహ్లాదంగా వుంటుంది. చల్లచల్లని వాతావరణంలో వేడివేడి సూప్ తింటుంటే.. ఆ అనుభూతియే స్పెషల్’గా వుంటుంది.

సూప్’లలో చాలా రకాలున్నాయి. తమకు అనుగుణంగా ఎలా కావాలంటే అలా సూప్ రిసిపీలను చేసుకోవచ్చు. అయితే మిక్డ్స్ వెజిటబుల్ సూప్ తింటే ఆరోగ్యానికి ఎంతోమేలు. ఎందుకంటే.. ఫ్రూట్స్’లో ఎన్నో పోషకవిలువలు వుంటాయని విదితమే! అటువంటి వాటితో తయారయ్యే సూప్’ని సేవిస్తే.. ఒకేసారి ఎన్నో పోషకాలు శరీరానికి అందుతాయి. దాంతో శక్తిపెరగడంతోపాటు మెదడు చురుకుగా పనిచేస్తుంది. మరి.. ఈ సూప్’ను ఎలా చేస్తారో తెలుసుకుందామా...

Prep Time

30 Minutes
Cooking Time

15 Minutes
Servings

1-3

కావాల్సిన పదార్ధాలు

2 కప్పులు బంగాళదుంప తరుగు
2 కప్పులు క్యారెట్ తరుగు
2 కప్పులు కాలీఫ్లవర్ తరుగు
2 కప్పులు క్యాబేజీ తరుగు
2 కప్పులు బీన్స్ తరుగు
1 టీ స్పూన్ నిమ్మరసం
1 టీ స్పూన్ సోయా సాస్
1 టీ స్పూన్ చిల్లీ సాస్
1 టీ స్పూన్ వెనిగర్
రుచికి తగినంత ఉప్పు

తయారు చేయు విధానం

Step 1
ముందుగా స్టౌవ్ మీద నాలుగు కప్పుల నీటితో నిండిన ఒక పాత్రను పెట్టి కొద్దిసేపటివరకు వేడి చేయాలి.
Step 2
కొద్దిగా వేడెక్కిన అనంతరం అందులో క్యారెట్, క్యాబేజీ, బీన్స్, కాలీఫ్లవర్, బంగాళదుంప తదిరత కూరగాయల తరుగును వేసి.. 20 నిముషాలపాటు మీడియం మంటపై వేడి చేయాలి.
Step 3
బాగా ఉడికిన తర్వాత ఆ మిశ్రమాన్ని వడగట్టి కూరగాయల రసాన్ని ఒక పాత్రలో వేసి పక్కన పెట్టుకోవాలి. అప్పుడు అందులో ఉప్పు, మిరియాలపొడి, నిమ్మరసం చేర్చి వేడి వేడిగా కార్న్ స్నాక్స్’తో సర్వ్ చేసుకోవచ్చు.
Step 4
అలాకాకపోతే.. వడకట్టిన కూరగాయల రసంలో సోయా సాస్, చిల్లీ సాస్, వెనిగర్ చేర్చిన అనంతరం ఒక తెల్లు వచ్చాక సర్వ్ చేసుకోవచ్చు. అంతే!