Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మసాలా కిచిడీ ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

30 Minutes
Servings

1

కావాల్సిన పదార్ధాలు

పెసరపప్పు, బియ్యం - అరకప్పు చొప్పున,
బీన్స్‌, ఆలూ, క్యారెట్‌ ముక్కలు - అరకప్పు చొప్పున,
ఉప్పు - చెంచా,
పసుపు - పావుచెంచా,
వెన్న లేదా నెయ్యి - టేబుల్‌స్పూను,
బఠాణీలు - పావు కప్పు.
తాలింపుకోసం:
నెయ్యి - రెండు టేబుల్‌స్పూన్లు,
జీలకర్ర - అరచెంచా,
ఆవాలు - అరచెంచా,
ఇంగువ - చిటికెడు,
టొమాటో ముక్కలు - కప్పు,
పచ్చిమిర్చి - రెండు,
కారం - పావుచెంచా,
ఉప్పు - తగినంత,
అల్లం తరుగు - రెండు చెంచాలు,
కొత్తిమీర తరుగు - రెండు టేబుల్‌స్పూన్లు.
గరంమసాలా - పావుచెంచా.

తయారు చేయు విధానం

Step 1
ముందుగా పెసరపప్పూ, బియ్యాన్ని కడగాలి. తరవాత రెండున్నర కప్పుల నీళ్లు పోసి కుక్కర్‌లో తీసుకోవాలి.
Step 2
ఇందులో బీన్స్‌, ఆలూ, క్యారెట్‌ ముక్కలూ, బఠాణీలూ, కొద్దిగా ఉప్పూ, పసుపూ, వెన్న లేదా నెయ్యి వేసి పొయ్యిమీద పెట్టాలి.
Step 3
మూడుకూతలు వచ్చాక దింపేయాలి. తరవాత దింపేసి అన్నాన్ని ఓసారి కలపాలి.
Step 4
ఇప్పుడు బాణలిలో నెయ్యిని కరిగించి జీలకర్రా, ఆవాలూ, ఇంగువా వేసి వేయించాలి.
Step 5
అందులో పచ్చిమిర్చి ముక్కలూ, అల్లం తరుగూ, టొమాటో ముక్కలూ, కారం, కొద్దిగా ఉప్పూ వేసి బాగా కలపాలి.
Step 6
టొమాటో ముక్కలు ఉడికాక కొత్తిమీర తరుగూ, గరంమసాలా వేసి మంట తగ్గించేయాలి.
Step 7
ఇందులో వండిన పెసరపప్పు అన్నం వేసి కొద్దిగా నీళ్లూ పోయాలి. కాసేపటికి ఇది కిచిడీలా తయారవుతుంది. అప్పుడు దింపేయాలి.
Step 8
దీంతోపాటూ ఉల్లిపాయ పెరుగు పచ్చడి కలిపి వడ్డిస్తే సరి.