Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మిక్స్‌డ్‌ వెజ్‌ మసాలా పరోటా ఎలా తయారుచేయాలో ఇక్కడ తెలుసుకోండి.

Prep Time

35 Minutes
Cooking Time

20 Minutes
Servings

2

కావాల్సిన పదార్ధాలు

గోధుమపిండి - కప్పు,
వెన్న - అరకప్పు,
సన్నగా తరిగిన ఉల్లిపాయముక్కలు - అరకప్పు,
క్యారెట్‌ తురుము - అరకప్పు,
ఉడికించి ముద్దలా చేసిన ఆలూ - కప్పు, కసూరీమేథీ - ఒకటిన్నర చెంచా,
కారం - అరచెంచా,
పచ్చిమిర్చి - రెండు,
గరంమసాలా - అరచెంచా,
ఉప్పు - తగినంత,
జీలకర్రపొడి - అరచెంచా.

తయారు చేయు విధానం

Step 1
ముందుగా గోధుమపిండిలో కొద్దిగా ఉప్పు వేసుకుని నీళ్లతో చపాతీపిండిలా కలిపి పెట్టుకోవాలి. ఇది నానేలోగా కూర సిద్ధంచేసుకోవాలి.
Step 2
బాణలిలో చెంచా వెన్న కరిగించి ఉల్లిపాయముక్కలు వేయించుకోవాలి. అవి దోరగా వేగాక క్యారెట్‌ తురుమూ, కసూరీమేథీ, ఆలూ ముద్ద వేసి బాగా కలపాలి.
Step 3
ఇది కూరలా తయారయ్యాక కారం, తగినంత ఉప్పూ, పచ్చిమిర్చి ముక్కలూ, గరంమాసాలా, జీలకర్రపొడీ కూడా వేసి కలిపి దింపేయాలి.
Step 4
కొద్దిగా చపాతీ ముద్దను తీసుకుని చిన్న చపాతీలా చేసి అందులో ఒకటిన్నర చెంచా కూరను ఉంచాలి.
Step 5
తరవాత అంచుల్ని మూసేసి నెమ్మదిగా పరోటాలా వత్తుకోవాలి. దీన్ని పెనంపై వేసి వెన్నతో రెండువైపులా కాల్చుకుంటే సరిపోతుంది.
Step 6
ఇలా మిగిలిన పిండినీ చేసుకోవాలి.