Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పొటాటో పాప్స్‌ ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

40 Minutes
Servings

3

కావాల్సిన పదార్ధాలు

బంగాళాదుంపలు - ఐదు,
వెల్లుల్లి ముక్కలు - మూడు చెంచాలు,
కొత్తిమీర తరుగు - మూడు టేబుల్‌స్పూన్లు,
తాజా క్రీం - అరకప్పు,
వెన్న - రెండు టేబుల్‌స్పూన్లు,
చీజ్‌ తురుము - కప్పు,
మిరియాలపొడి - చెంచా,
ఉప్పు - తగినంత,
బ్రెడ్‌పొడి - రెండుకప్పులు,
గుడ్లు - రెండు (తెల్లసొన తీసుకోవాలి),
మైదా - రెండు టేబుల్‌స్పూన్లు,
నూనె - వేయించేందుకు సరిపడా.

తయారు చేయు విధానం

Step 1
బంగాళాదుంపల్ని సరిపడా నీళ్లూ, ఉప్పూ వేసి ఉడికించుకోవాలి. తరవాత చెక్కు తీసేసి మెత్తని గుజ్జులా చేసుకోవాలి.
Step 2
ఇందులో కొత్తిమీర తరుగూ, వెల్లుల్లి ముక్కలూ వేసుకుని కలిపి ఈ మిశ్రమాన్ని సన్ననిమంటపై పెట్టాలి.
Step 3
నిమిషం తరవాత క్రీం, వెన్నా, మిరియాలపొడీ, చీజ్‌ తురుమూ వేసుకుని బాగా కలపాలి.
Step 4
వెన్న కరిగాక అవసరమనుకుంటే ఇంకొంచెం ఉప్పు వేసుకుని దింపేయాలి. ఇది చల్లగా అయ్యేలోగా తెల్లసొనను గిలకొట్టి అందులో మైదా వేసుకుని కలుపుకోవాలి.
Step 5
పిండి గట్టిగా ఉంటే గనుక కొన్ని నీళ్లు పోసుకుని గరిటెజారుగా ఉండేలా చూడాలి.
Step 6
ఇప్పుడు బంగాళాదుంప మిశ్రమాన్ని చిన్న చిన్న ఉండల్లా చేసుకోవాలి.
Step 7
ఒక ఉండను తీసుకుని ముందుగా మైదా మిశ్రమంలో ముంచి, తరవాత బ్రెడ్‌పొడి అద్ది కాగుతోన్న నూనెలో వేసేయాలి.
Step 8
ఎర్రగా వేగాక తీస్తే సరిపోతుంది. పొటాటో పాప్స్‌ వేడివేడిగా తినడమే ఆలస్యం ఇక!