Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే దానిమ్మ గింజల అన్నం ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

30 Minutes
Servings

2

కావాల్సిన పదార్ధాలు

బియ్యం 400 గ్రాములు
పండిన దానిమ్మ పళ్ళు: 2
కొత్తిమీర 1 కట్ట
పచ్చిమిరపకాయలు 8
2 రెబ్బలు ఎండుమిరపకాయలు
కరివేపాకు-6 రెబ్బలు
ఉల్లిపాయ 1
జీడిపప్పు ముక్కలు 2 టేబుల్ స్పూనులు
ఆవాలు 1/2 టీ స్పూను
మినప్పప్పు 1 టీస్పూను
శెనగపప్పు 1 టీ స్పూను
నూనె,ఉప్పు తగినంత.

తయారు చేయు విధానం

Step 1
ముందుగా దానిమ్మ పళ్ళ తొక్కను తొలగించి, గింజలు తీయాలి.
Step 2
తరువాత ఈ గింజలను మిక్సీలో వేసి జ్యూస్ తయారు చేయాలి. తరువాత ఈ జ్యూస్ ను వడగట్టి గింజల్ని తొలగించాలి.
Step 3
తరువాత పచ్చిమిరప కాయల్ని సన్నగా తరగాలి ఎండుమిరపకాయల్ని ముక్కలుగా చేయాలి.
Step 4
తరువాత బియ్యంను శుభ్రంగా కడిగి, కొంచెం బిరుసుగా అన్నం వండాలి తరువా ఈ అన్నంను వెడల్పుగా వున్న పళ్ళెంలో పాడిపాడిగా సర్ది చల్లారబెట్టాలి.
Step 5
తరువా బాణాలిలో నూనె పోసి స్టౌ మీద వేడి చేయాలి. ఇందులో ముందుగా ఆవాలు, మినప శెనగపప్పులను వేసి పోపు పెట్టాలి.
Step 6
తరువాత శుభ్రంగా కడిగిన కరివేపాకు, ఎండుమిరపకాయ ముక్కలు వేయించాలి.
Step 7
తర్వాత బాణిలో వేయించిన మిశ్రమాన్ని పళ్లెంలో ఆరబెట్టిన అన్నంలో కలపాలి.
Step 8
తరువాత దానిమ్మ రసంను పోసి, కొంచెం సేపు స్టౌ మీద ఉంచాలి.తర్వాత అందులో పళ్లెంలోని అన్నం మిశ్రమాన్ని తగినంత ఉప్పు వేసి స్టౌను సన్నని సెగమీద మండించాలి.
Step 9
రసం ఇరిగిపోయి అన్నం పొడిగా అయ్యేంత వరకు గరిటెతో కలియబెడుతూ వుండాలి. తరువాత కళాయిని స్టౌ మీద నుండి దించుకోవాలి.
Step 10
తరువాత దీని మీద సన్నగా తరిగిన కొత్తిమీరను చల్లుకోవాలి. దానిమ్మ గింజల అన్నం రెడీ.