Telugu Food Recipes | Delicious Food Recipes

ప్రాంతాలవారీగా కొన్ని వంటకాలు ఫేమస్ అయి వుంటాయని అందరికీ తెలిసిందే! అందులో భాగంగానే హైదరాబాద్ దమ్ బిర్యానీ కూడా ఇండియాలో చాలా ఫేమస్! అయితే హైదరాబాద్ మటన్ మసాలా గురించి చాలామంది విని వుండరు. ఇది ఎక్కువ ఫేమస్ కాకపోయినా.. రుచిలో మాత్రం పర్’ఫెక్ట్! అంతేకాదు.. ఆరోగ్యపరంగానూ ఈ వంటకం చాలా మంచిది.

మాటన్’లో మాంసకృతులు పుష్కలంగా వుంటాయి. ఇవి పిల్లల పెరుగుదలకు ఎంతగానో ఉపయోగపడతాయి. ఇంకా ఇందులో వుండే పోషకాలు చురుకుగా వుండేందుకు సహాయపడుతాయి. మరి.. ఇన్ని పోషకాలు కలిగిన మటన్’తో కాస్త వెరైటీ టేస్టీ వంటకాలు తింటే ఎంతో అమోఘం. మరి.. హైదరాబాద్ మటన్ మసాలాను ఎలా చేస్తారో తెలుసుకుందామా...

Prep Time

50 Minutes
Cooking Time

45 Minutes
Servings

5-6

కావాల్సిన పదార్ధాలు

1/2 కేజీ లేత వేట మాంసం (మటన్)
1 కప్ పెరుగు
1/2 కప్పు ఉల్లిపాయ తరుగు
1 స్పూన్ వెల్లుల్లి పేస్ట్
1 టీ స్పూన్ మిరియాలపొడి
1 స్పూన్ అల్లం పేస్ట్
2 స్పూన్లు పచ్చిమిర్చి పేస్ట్
10 పెప్పర్ కార్న్
2 టీ స్పూన్లు జీలకర్ర పొడి
1 పలావ్ ఆకు
1 టీ స్పూన్ జీలకర్ర
4 ఏలకలు
5 లవంగాలు
1 టీ స్పూన్ కారం
కొద్దిగా నూనె
రుచికి తగినంత ఉప్పు

తయారు చేయు విధానం

Step 1
ముందుగా మటన్’ను మంచినీటితో శుభ్రం చేసుకుని.. ఆ మాంసపు ముక్కలకు పెరుగు, కారం, జీలకర్ర పొడి, మిరియాల పొడి మిక్స్ చేసి.. రెండుగంటలపాటు నానబెట్టుకోవాలి.
Step 2
తర్వాత ఒక పాన్ తీసుకుని అందులో కొద్దిగా నూనె పోసి వేడి చేసుకోవాలి. వేడయ్యాక అందులో పలావ్ ఆకు, జీలకర్ర, పెప్పర్ కార్న్, లవంగాలు, ఏలకలు తదితర పదార్థాలు వేసి.. మూడునిముషాలపాటు ఉడికించుకోవాలి.
Step 3
ఆ మిశ్రమాన్ని వేడిచేసిన అనంతరం అందులోనే ఉల్లి తరుగు వేసి దోరగా వేపాలి. అనంతరం వెల్లుల్లి, అల్లం పేస్ట్ కూడా వేసి.. మరో రెండు నిముషాలపాటు వేడి చేయాలి.
Step 4
ఈ మిశ్రమాన్ని ఇదివరకు నానబెట్టుకున్న మటన్ ముక్కలకు కలిపి మ్యారినేట్ చేయాలి. ఇలా మ్యారినేట్ చేసిన ముక్కలకు కుక్కర్’లో రెండు కప్పుల నీటితో జోడించి... ఐదారు విజిల్స్ వచ్చేంతవరకు ఉడికించాలి.
Step 5
ఎంత ఎక్కువ వేడి చేస్తే.. మటన్ ముక్కలు అంతే ఎక్కువగా మెత్తబడతాయి. బాగా ఉడికించిన అనంతరం కుక్కర్’ను స్టౌమ్ మీద నుంచి దించేయాలి. అంతే! హైదరాబాద్ మటన్ మసాలా రెడీ!