Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కిచిడి పలావు ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

40 Minutes
Servings

4-5

కావాల్సిన పదార్ధాలు

బియ్యం ఒక కిలో
పెసరపప్పు అరకిలో
మీల్ మేకర్ 100 గ్రాములు
పచ్చిబఠానీలు 100 గ్రాములు
టమోటాలు 8
పచ్చిమిరపకాయలు 10
ఉల్లిపాయలు 4
అల్లం-వెల్లుల్లి ముద్ద: 4 స్పూనులు
గరంమసాలా 5 గ్రాములు
మరాఠీ మొగ్గలు 4
నెయ్యి తగినంత
ఉప్పు తగినంత

తయారు చేయు విధానం

Step 1
ముందుగా బియ్యం, పెసరపప్పులను శుభ్రంగా కడిగి నీటిలో అరగంటపాటు నానబెట్టాలి.
Step 2
తరువాత పచ్చిబఠానీలను కూడా మరొక గిన్నెలో నానబెట్టుకోవాలి. తరువాత ఉల్లిపాయల్ని సన్నగా తరగాలి. టమోటాలను ముక్కలుగా కోసుకోవాలి. పచ్చిమిరపకాయల్ని కూడా సన్నగా తరగాలి.
Step 3
తరువాత ఒక బాణలిలో నెయ్యిని పోసి స్టౌ మీద వేడి చేయాలి. ఇందులో ముందుగా ఉల్లిపాయ ముక్కల్ని వేసి ఎర్రగా వేయించాలి.
Step 4
తరువాత అల్లం-వెల్లుల్లి ముద్ద, గరంమసాలా, మరాఠీ మొగ్గలు వేసి వేయించాలి.
Step 5
తరువాత ఇందులో నానబెట్టిన పచ్చిబఠానీలు, మీల్ మేకర్, పచ్చిమిరపకాయ ముక్కల్ని వేసి బాగా కలియబెట్టాలి.
Step 6
రెండు నిమిషాలు గడిచాక తగినంత నీరు పోసి ఎసరు పెట్టాలి. బాణలిలోని ఎసరు మరుగుతుండగా అందులో నానబెట్టిన బియ్యం, పెసరపప్పుల మిశ్రమాన్ని, తగినంత ఉప్పును, టమోటా ముక్కలను వేసి మంట తగ్గించి నీరంతా ఇగిరిపోయేంత వరకు ఉడికించాలి.
Step 7
తరువాత బాణాలిని మీద నుంచి కిందకు దించుకోవాలి. దీనితో ఘుమఘుమలాడే కిచిడి పలావు రెడి. దీనిని వేడివేడిగా వడ్డించాలి.