Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మరమరాల పలావు ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

2-5

కావాల్సిన పదార్ధాలు

మరమరాలు 500 గ్రాములు
బంగాళాదుంపలు 2
క్యారెట్ దుంపలు 2
ఉల్లిపాయలు 2
క్యాబేజీ సగం
అల్లం వెల్లుల్లి 8 రేకలు
జీడిపప్పు కొద్దిగా
పచ్చిబఠానీలు కొద్దిగా
లవంగాలు 6
దాల్చినచెక్క 2 ముక్కలు
నెయ్యి 8 టీ స్పూనులు
ఉప్పు తగినంత

తయారు చేయు విధానం

Step 1
ముందుగా మరమరాలను నీళ్ళలో కడిగి, వెంటనే నీళ్ళను పిండేసి, పళ్ళెంలో పోసుకోవాలి.
Step 2
తరువాత బంగాళాదుంపల చెక్క తీసి, ముక్కలుగా కోసుకోవాలి.
Step 3
క్యారెట్, ఉల్లిపాయలు, క్యాబేజీని కూడా శుభ్రం చేసి ముక్కలుగా కోసుకోవాలి.
Step 4
అల్లం, వెల్లుల్లిలను చిన్న చిన్న ముక్కలుగా తరగాలి. పచ్చి బఠానీలను కొంచెం సేపు నీటిలో నానబెట్టాలి.
Step 5
తరువాత ఒక బాణలిలో నెయ్యి పోసి స్టౌ మీద వేడి చేయాలి.
Step 6
ఇందులో ముందుగా జీలకర్ర, దాల్చిచెక్క ముక్కలు, లవంగాలు, అల్లం, వెల్లుల్లి ముక్కల్ని వేసి వేయించాలి
Step 7
తరువాత నానిన పచ్చి బఠానీలను, కూరగాయల ముక్కలను వేసి సన్నని మంట మీద వేయించాలి.
Step 8
కూరగాయల ముక్కలు, మెత్తబడిన తరువాత అందులో మరమరాలను, తగినంత ఉప్పును వేసి బాగా కలియబెట్టాలి.
Step 9
రెండు నిమిషాలు గడిచాక బాణాలిని స్టౌ మీద నుంచి కిందకు దించుకోవాలి. దీనితో మధురాతిమధురమైన మరమరాల పలావు రెడి