Telugu Food Recipes | Delicious Food Recipes

చలి లేదా వర్షాకాలాల్లో ప్రతిఒక్కరు హాట్’గా వుండే పదార్థాలను సేవించడానికే ఎక్కువగా ఇష్టపడతారు. చలి వాతావరణానికి తగ్గట్టుగా వేడిగా వుండే పదార్థాలను తీసుకోవడంలో వుండే మజాయే వేరుగా వుంటుంది. అయితే రోజువారీ వంటకాలు కాకుండా రుచిగా ప్రత్యేకమైన వాటిని చేసుకుంటే ఆ వాతావరణాన్ని హ్యాపీగా ఆస్వాదించుకోవచ్చు.

చాలామంది చలి వాతావరణాల్లో రకరకాల సూప్’లను తీసుకోవడంలోనే ఎక్కువ ఆసక్తిని చూపిస్తారు. అయితే టమోటా-తులసీ మిశ్రమంతో కూడిన సూప్’ను చేసుకుంటే.. రుచితోబాటు ఆరోగ్యానికి మంచిది కూడా! ఎందుకంటే.. ఈ రెండింటిలోనూ పోషక విలువలు పుష్కలంగా వుంటాయి కాబట్టి.. అవి శరీరంలోని అవయవాలను ఉత్తేజపరిచి చురుగ్గా వుండేందుకు సహకరిస్తాయి. మరి.. ఈ సూప్’ను ఎలా చేస్తారో తెలుసుకుందామా...

Prep Time

25 Minutes
Cooking Time

15 Minutes
Servings

2

కావాల్సిన పదార్ధాలు

5 టమోటాలు (బాగా పండినవి)
3 టీ స్పూన్లు తులసీ ఆకులు
1-2 క్యారెట్
1-2 దాల్చిన చెక్క
1/2 టీ స్పూన్ మిరియాల పొడి
4-5 గ్లాసులు నీళ్లు
రుచికి తగినంత ఉప్పు

తయారు చేయు విధానం

Step 1
కుక్కర్ తీసుకుని అందులో టమోటాలతోబాటు క్యారెట్, దాల్చిన చెక్క, కొద్దిగా నీళ్లు, తగినంత ఉప్పు వేసి 2 లేదా 3 విజిల్స్ వచ్చేంతవరకు వేడి చేసుకోవాలి.
Step 2
అలా వేడి చేసుకున్న అనంతరం కుక్కర్’ను కిందకు దించేసి.. కొద్దిసేపటివరకు చల్లార్చుకోవాలి.
Step 3
చల్లారిన తర్వాత అందులోని పదార్థాలన్నింటినీ మిశ్రమంలా బాగా కలియబెట్టాలి. అలా కలిపిన ఆ మిశ్రమాన్ని వడపోయాలి.
Step 4
వడగట్టిన ద్రవంలో తులసి, మిరియాలు వేసి.. మీడియం మంట మీద కొద్దిసేపటివరకు వేడి చేసుకోవాలి. అంతే! హాట్ టమోటా-తులసీ సూప్ రెడీ! ఈ సూప్’ని ఒక గిన్నెలో వేసుకుని పైన మీగడ వేసి తులసి ఆకులతో గార్నిష్ చేసుకొని సర్వ్ చేసుకోవచ్చు.