Telugu Food Recipes | Delicious Food Recipes

టమోటాలలో మానవ శరీరానికి కావలసిన పోషక విలువలు పుష్కలంగా వుంటాయని నిపుణులు పేర్కొంటున్నారు. శరీరంలో వ్యాధినిరోధక శక్తిని పెంచే ఈ టమోటాల్లో క్యాల్షియం, ఫాస్సరస్, విటమిన్-సీలు వుంటాయి. అంతేకాదు.. ఈ టమోటాలు ఎసిడిటీకి విరుగుడుగా పనిచేస్తాయి. .

కాబట్టి.. ఈ టమోటాలను కూరల్లో వేయించి తినడం కంటే.. విరివిగా ఏదైనా ఒక ఆహారాన్ని చేసుకుంటే తింటే.. ఆరోగ్య ప్రయోజనాలు పొందుతారు. అందులో టమోటా బజ్జీలు తింటే ఎంతో శ్రేయస్కరం. ఈ బజ్జీలు చేసుకుని తింటే.. ఎటువంటి చిరుజబ్బులు శరీర దరిదాపుల్లోకి రావు. మరి.. వీటిని ఎలా చేస్తారో తెలుసుకుందామా...

Prep Time

30 Minutes
Cooking Time

25 Minutes
Servings

3-6

కావాల్సిన పదార్ధాలు

1/4 కేజీ టమోటాలు
1/4 కేజీ బంగాళదుంపలు
తగినంత నూనె
3-4 ఉల్లిపాయలు
3-4 పచ్చిమిర్చి
1 కప్పు శనగపిండి
2 టీ స్పూన్లు గరంమసాలా
1 కప్పు కొత్తిమీర
4 టీ స్పూన్లు పెసరపప్పు

తయారు చేయు విధానం

Step 1
టమోటాలను ఒకే సైజులో వుండేలా కట్ చేసుకుని పక్కన పెట్టుకోవాలి.
Step 2
ఒక పాత్ర తీసుకుని అందులో పెసరపప్పు, బంగాళదుంపలు వేసి మిక్స్ చేసుకోవాలి.
Step 3
ఈ మిశ్రమంలో గరం మసాలా, ఉప్పు, ఉల్లిపాయల తరుగు, పచ్చిమిర్చి తరుగు, కొత్తిమీర తరుగులను కలిపి ముద్దగా చేసుకోవాలి.
Step 4
ఈ ముద్దలో నుంచి కొద్దికొద్దిగా చేసుకుని ఇదివరకు కోసుకున్న టమోటాల్లో కూరాలి.
Step 5
ఇలా కూరిన టమోటాలను జారుగా కలిపి వుంచిన శనగపిండి మిశ్రమంలో ముంచి.. వేడైన నూనెలో వేసి బ్రౌన్ కలర్’లోకి వచ్చేంతవరకు వేయించి, తీసేయాలి. అంతే టమాటా మసాలా బజ్జీ రెడీ!