Telugu Food Recipes | Delicious Food Recipes

మానవ శరీరానికి అవసరమయ్యే విటమిన్-ఈ, బీటాకెరోటిన్, విటమిన్ బి6-బి12, జింక్, ఒమేగా-3 ఫ్యాటీ యాసిడ్స్ వంటి పోషకాలు చికెన్’లో పుష్కలంగా వుంటాయి. ఇవి పిల్లలకు ఎంతో మేలు చేస్తాయి. అలాగే ప్రతిఒక్కరిలోనూ శక్తిని మెరుగుపర్చడంలో ఈ పోషకాలు దోహదపడుతాయి.

కాబట్టి.. చికెన్’తో తయారుచేసే వంటకాలను వారానికి రెండుసార్లు తినడం ఎంతో మంచిది. అయితే రెగ్యులర్ రిసిపీలు కాకుండా చికెన్’తో వడలు చేసుకుని తింటే.. ఎంతో టేస్టీతోబాటు ఆరోగ్యానికి కూడా మంచిది. చికెన్ వడలు తయారుచేయడం ఎంతో సులభం. నోరూరించే ఈ వడలను ఎలా చేస్తారో తెలుసుకుందామా...

Prep Time

40 Minutes
Cooking Time

30 Minutes
Servings

3-6

కావాల్సిన పదార్ధాలు

1/4 కేజీ చికెన్
1-2 కోడిగుడ్లు
1/2 కప్ వెల్లుల్లి ముక్కలు
2 కప్స్ కొబ్బరి తురుము
1/2 టీ స్పూన్ అల్లం పేస్ట్
1 టీ స్పూన్ వెల్లుల్లి పేస్ట్
1/2 టీ స్పూన్ పసుపు పొడి
1/2 టీ స్పూన్ మిరిప్పపొడి
1 టీ స్పూన్ మీట మసాలా
2-4 పిచ్చిమిర్చి
కొద్దిగా కరివేపాకు
వంటకానికి తగినంత నూనె
రుచికి తగినంత ఉప్పు

తయారు చేయు విధానం

Step 1
ఒక పాత్ర తీసుకుని అందులో పచ్చిమిర్చి, ఉల్లి, అల్లం, వెల్లుల్లి పేస్ట్ తదితర పదార్థాలన్నింటినీ మిక్స్ చేస్తూ కలుపుకోవాలి.
Step 2
ఇలా కలుపుకున్న ఆ మిశ్రమంలో ఇదివరకు ఉడికించి కవ్వంతో మెదుపుకున్న చికెన్’ను వేయాలి. ఇఫ్పుడు ఈ మొత్తం మిశ్రమాన్ని బాగా కలియబెట్టాలి.
Step 3
అనంతరం అదులోనే తరుగు, కొబ్బరి తురుము, కోడిగుడ్డు, రుచికి తగినంత ఉప్పును వేసి.. కలపాలి. మొత్తం మిశ్రమాన్ని ఒక ముద్దలా కలుపుకుని.. అందులో కొద్దికొద్దిగా తీసుకుంటూ గారెలకు తగ్గట్టుగా సిద్ధం చేసుకోవాలి.
Step 4
ఇప్పుడు ఒక బాణలి తీసుకుని అందులో కొద్దిగా నూనె పోసి వేడి చేయాలి. నూనె వేడయ్యాక అందులో ఇదివరకు గారెల్లా చేసుకున్న పిండిని వేసి.. దోరగా వేపుకోవాలి. అంతే! చికెన్ వడలు రెడీ!