Telugu Food Recipes | Delicious Food Recipes

కొన్ని కూరగాయలతోబాటు నూడిల్స్’తో కలిపి తయారుచేసే ఈ సూప్’లో ఎన్నోరకాల పోషక విలువలు నిల్వవుంటాయి. ఈ సూప్’ను వారానికి రెండుసార్లు తీసుకుంటే.. ఆరోగ్యంగా మెలగవచ్చు. చాలారకాల కూరగాయలు వుండటంతో.. ఒక్కొక్కదానిలో వున్న ఒక్కొక్క పోషకం శరీరంలోని అవయవాలకు చేరి.. వాటిని మరింత మెరుగుపర్చడంలో దోహదపడుతాయి. అంటే.. ఈ సూప్’తో ఎన్నో ఆరోగ్యప్రయోజనాలు కలుగుతాయన్నమాట! మరి దీన్నెలా చేస్తారో తెలుసుకుందామా...

Prep Time

30 Minutes
Cooking Time

15 Minutes
Servings

2-4

కావాల్సిన పదార్ధాలు

1/2 కప్పు నూడిల్స్
1/4 కప్పు క్యారెట్ ముక్కలు
1/2 కప్పు బీన్స్ ముక్కలు
4 టీ స్పూన్లు ఉల్లికాడల తరుగు
1/4 టీ స్పూన్ మిరియాల పొడి
1/4 టీ స్పూన్ సోయాసాస్
1 టీ స్పూన్ చిల్లీసాస్
1 టీ స్పూన్ నూనె
చిటికెడు అజినమోటో
కొద్దిగా కొత్తిమీర
రుచికి తగినంత ఉప్పు

తయారు చేయు విధానం

Step 1
ఒక పాత్రలో ఐదు కప్పుల నీటిని తీసుకుని అందులో బీన్స్, క్యారెట్ ముక్కలు వేసి, స్టౌవ్ మీద ఆ పాత్రను పెట్టి కొద్దిసేపటివరకు ఉడికించుకోవాలి. తరువాత వడకట్టి ఆ నీరును పక్కన పెట్టుకోవాలి.
Step 2
ఇలాగే మరో పాత్రలో కొద్దిగా నీరు పోసి.. అందులో నూడిల్స్ వేసి వేడి చేయాలి. కొద్దిసేపటి తర్వాత స్టౌవ్ మీద నుంచి పాత్రను దించి వడకట్టుకోవాలి. అప్పుడు ఆ వడకట్టిన నీటిని పక్కన పెట్టుకోవాలి.
Step 3
ఇప్పుడు ఒక పాన్ తీసుకుని అందులో కొద్దిగా నూనె వేసి వేడి చేయాలి. కాగిన తర్వాత అందులో ఇదివరకు ఉడికించిన బీన్స్, క్యారెట్ ముక్కలతోబాటు ఉల్లికాడల తరుగును వేసి వేయించాలి.
Step 4
అలా కొద్దిసేపు వేయించిన తర్వాత అందులో కూరగాయలు ఉడికించిన నీళ్లు, అజినమోటో, మిరియాల పొడి, తగినంత ఉప్పు, సోయాసాస్, చిల్లీ సాస్ వేసి మరిగించాలి. తర్వాత ఇందులోనే నూడిల్స్ వేసి మరికొద్దిసేపటి వరకు ఉడికించుకోవాలి.
Step 5
ఆ మొత్తం మిశ్రమం అంతా చిక్కబడేవరకు ఉడికించుకోవాలి. చివరగా అది చిక్కబడిన తర్వాత ఉల్లికాడల తరుగు లేదా కొత్తిమీరతో గార్నిష్ చేసుకోవాలి. అంతే! హెల్తీ వెజిటబుల్స్ నూడిల్స్ రెడీ!