Telugu Food Recipes | Delicious Food Recipes

రంజాన్ పండుగ సందర్భంగా ముస్లిం మతస్తులవారు తమతమ ఇళ్లలో ప్రత్యేకమైన వంటకాలను చేసుకుంటారు. అందులో చాలావరకు మాంసాహార వంటకాలే ఎక్కువగా వుంటాయి. పైగా.. సంవత్సరానికోసారి వచ్చే పండుగనాడు సాధారణ వంటకాలే కంటే కాస్త వెరైటీగా వున్న వాటినే చేస్తారు. అటువంటి వాటిల్లో చికెన్ జాల్ ఫ్రీజ్ ఒకటి!

నిజానికి ఇది పాకిస్తాన్ వంటకం. అయినా.. హోమ్ మేడ్ రిసిపీ. ఈ వంటకం స్పెషాలిటీ ఏమిటంటే.. రెడ్ క్యాప్సికమ్’తో తయారు చేయడమే! అలాగే ఇతర పదార్థాలను జోడించడంతో సాధారణ చికెన్ రిసిపీ కంటే కొత్త రుచిగా అనిపిస్తుంది. మరి దీన్నెలా చేస్తారో తెలుసుకుందామా...

Prep Time

50 Minutes
Cooking Time

45 Minutes
Servings

5

కావాల్సిన పదార్ధాలు

1/2 కేజీ చికెన్
1/2 కప్ టమోటా తరుగు
4-5 పచ్చిమిరపకాయలు (మధ్యకు కట్ చేయాలి)
1 టీ స్పూన్ గరంమసాలా
2 టీ స్పూన్స్ నూనె
రుచికి తగినంత ఉప్పు
పావు కప్పు కొత్తిమీర (గార్నిష్ కోసం)
2 టీ స్పూన్స్ అల్లంవెల్లుల్లి పేస్ట్
1 టీ స్పూన్ పసుపు
1/2 కప్ ఉల్లి తరుగు
1/2 టీ స్పూన్ పెప్పర్
1/4 కప్ రెడ్ క్యాప్సికమ్

తయారు చేయు విధానం

Step 1
ఒక బౌల్ తీసుకుని అందులో అల్లం వెల్లుల్లి పేస్ట్, పసుపు, కారం వేసి మిక్స్ చేసుకోవాలి. అనంతరం ఈ మిశ్రమంలో శుభ్రం చేసిన చికెన్ ముక్కలను వేసి మ్యారినేట్ చేసి.. గంటపాటు పక్కన పెట్టుకోవాలి.
Step 2
ఇప్పుడు స్టౌవ్ మీద ఒక డీప్ బాటమ్ పాత్రను పెట్టి అందులో నూనె వేసి వేడి చేయాలి. నూనె కాగిన తర్వాత అందులో కట్ చేసుకున్న ఉల్లిపాయ ముక్కల్ని వేసి బ్రౌన్ కలర్’లోకి వచ్చేంతవరకు వేగించుకోవాలి.
Step 3
ఉల్లి కలర్ మారిన తర్వాత అందులో అల్లం వెల్లుల్లి తురుము వేసి మరో రెండు నిముషాలపాటు వేయించాలి. అనంతరం చికెన్ ముక్కలను అందులో వేసి 10 నిముషాలపాటు వేయించాలి. తర్వాత మంటను తగ్గిస్తూ చికెన్ ముక్కలను వేడి చేయాలి. ఇలా చేయడం వల్ల ముక్కలు క్రిస్పీగా, బ్రౌన్ కలర్’లోకి మారుతాయి.
Step 4
ఇలా చికెన్ ముక్కలను వేడి చేసిన తర్వాత అందులోనే పచ్చిమిర్చి ముక్కలు, పెప్పర్, క్యాప్సికమ్ ముక్కలు వేసి కొద్దిసేపటివరకు వేయించాలి. తర్వాత టమోటా ముక్కలు, ఉప్పు మిక్స్ చేసి, మరో ఐదునిముషాలు వేపాలి.
Step 5
ఈ గ్రేవీ మీద గరం మసాలా పౌడర్ వేసి, ఒక కప్పు నీళ్ళు కలుపుకొని మూత పెట్టి మరో 5నిముషాలు ఉడివేకించుకోవాలి. చికెన్ బాగా మెత్తగా ఉడికిన తర్వాత కొత్తిమీరతో చికెన్ జాల్ ఫ్రిజ్‌ను కూడా గార్నిష్ చేసుకోవాలి. అంతే!