Telugu Food Recipes | Delicious Food Recipes

+ Write a Review

అదిరిపోయే చేపల పచ్చడి ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

2-4

కావాల్సిన పదార్ధాలు

చేపముక్కలు : అరకిలో
వెల్లుల్లి : ఒక గడ్డ (రుబ్బుకోవాలి)
కారం : అరకప్పు
ఉప్పు : ఒక టేబుల్ స్పూన్
లవంగాలు : 2
యాలకులు : 1
దాల్చిన చెక్క : ఒక చిన్న ముక్క
నూనె : అరకిలో
నిమ్మకాయ : 1

తయారు చేయు విధానం

Step 1
ముందుగా లవంగాలు, యాలకులు, దాల్చినచెక్క పొడి కొట్టి మసాలా తయారుచేసుకోవాలి.
Step 2
తర్వాత చేప ముక్కలు కడిగి చిన్న ముక్కలుగా కట్ చేసి ఒక బట్ట మీద వేసి నీరు కాస్త ఇంకిపోయేలా ఆరనివ్వాలి.
Step 3
మూకుడులో నూనె(డీప్ ఫ్రైకి సరిపడా) వేడి చేసుకొని చేప ముక్కలు వేయించుకోవాలి. మరీ ఎక్కువగా వేగితే ముక్కలు పొడిపొడిగా తునిగిపోతాయి కనుక ముక్క ఉడికితే సరిపోతుంది.
Step 4
చిల్లుల గరిటెతో ఒక గిన్నెలోకి తీసుకోవాలి. స్టవ్ ఆర్పివేయాలి. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి.
Step 5
ఇది వేడిగా ఉంటుంది కాబట్టి ఇందులో నూరిన వెల్లుల్లి ముద్ద, ఇష్టమైతే కరివేపాకు, మసాలా పొడి, కారం, ఉప్పు వేసి గిన్నెలోకి తీసుకున్న చేప ముక్కలను కూడా ఇందులో వేయాలి. గరిటెతో బాగా కలిపి వేడి తగ్గిన తరువాత నిమ్మకాయరసం పిండాలి.